09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Վրաստանի անդամակցությունը ԵՄ-ին մինչև 2030 թվականը հասանելի է. Կոբախիձե
Քաղաքականություն
07.02.2025 | 14:08
Վրաստանի անդամակցությունը Եվրամիությանը մինչև 2030 թվականը հասանելի է, Euronews-ին տված բացառիկ հարցազրույցում հայտարարել է Վրաստանի վարչապետ Իրակլի Կոբախիձեն։
Նա խոսել է Եվրամիությանն անդամակցելու շուրջ բանակցությունների գործընթացում Բրյուսելի կողմից ավելի մեծ ճկունության անհրաժեշտության մասին։
Ըստ Կոբախիձեի՝ գնդակն այժմ Բրյուսելի դաշտում է, և ասոցիացիային անհրաժեշտ է ավելի շատ ճկունություն նոր անդամների նկատմամբ իր մոտեցման հարցում։ Նրա խոսքով՝ Վրաստանը բավականին լուրջ խնդիրներ ունի եվրոպական բյուրոկրատիայի հետ, թեև լավատես է, որ 2030 թվականին երկիրը կդառնա Եվրամիության անդամ։
«Մենք կշարունակենք անշեղորեն շարժվել դեպի այդ նպատակը և հուսով ենք, որ առաջիկա տարիներին Վրաստանի նկատմամբ մոտեցումն ավելի արդարացի կդառնա»,- ասել է երկրի վարչապետը։
Կոբախիձեն նաև ասլել է, որ այսօր Վրաստանի և Եվրամիության միջև առողջ հարաբերությունների բացակայության պատճառը ոչ թե վրացական քաղաքականությունն է, այլ եվրոպական բյուրոկրատական քաղաքականությունը Վրաստանի նկատմամբ, և եթե այն փոխվի, ամեն ինչ լավ կլինի։
Թարգմանությունը՝ Տաթև Ֆռանգյանի
