06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Դեսպան Հովհաննիսյանն իր հավատարմագրերն է հանձնել Միջազգային հակակոռուպցիոն ակադեմիայի դեկանին
Քաղաքականություն
06.02.2025 | 22:43
Փետրվարի 6-ին Վիեննայի ՄԱԿ գրասենյակում և այլ միջազգային կազմակերպություններում ՀՀ մշտական ներկայացուցիչ, դեսպան Անդրանիկ Հովհաննիսյանն իր հավատարմագրերն է հանձնել Միջազգային հակակոռուպցիոն ակադեմիայի (IACA) դեկան Սլագյանա Տասևային: Այս մասին տեղեկացնում են Ավստրիայում Հայաստանի դեսպանությունից։
Համատարմագրերի հանձնման արարողությանը հաջորդել է մշտական ներկայացուցիչ Անդրանիկ Հովհաննիսյանի և դեկան Սլագյանա Տասևայի հանդիպումը:
Հանդիպմանն անդրադարձ է կատարվել կոռուպցիայի դեմ պայքարի ոլորտում Հայաստանի և Ակադեմիայի միջև համագործակցության ընդլայնման և նոր ծրագրերի իրականացման հեռանկարներին:
Մշտական ներկայացուցիչը դեկանի ուշադրությունն է հրավիրել Հայաստանում օրենքի գերակայության, կոռուպցիայի դեմ պայքարի ոլորտներում ՀՀ կառավարության առաջնահերթություններին և բարեփոխումների օրակարգին:
