Մոսկվան հաստատում է՝ Ադրբեջանի ԱԳՆ-ից «Ռոսսոտրուդնիչեստվո»-ի գործունեության հետ կապված ծանուցում է ստացել

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Ռուսական «Ռոսսոտրուդնիչեստվո» գործակալության ղեկավար Եվգենի Պրիմակովը հաստատել է Բաքվում ռուսական մշակութային կենտրոնի (Ռուսական տան) գրանցման անհրաժեշտության մասին Ադրբեջանից նոտայի ստացումը։ Այս մասին նա հայտարարել է «Ռոսիա-24» հեռուստաալիքի եթերում, փոխանցում է ՏԱՍՍ-ը։

«Առայժմ մենք կարող ենք միայն հաստատել, որ Ադրբեջանի ԱԳՆ-ից   նոտա է ուղարկվել մեր արտաքին գործերի նախարարությանը, որտեղ ասվում է, որ մեր ներկայացուցչությունը՝ Ռուսական տեղեկատվական և մշակութային կենտրոնը (ՌԻԿԿ), որը հայտնի է նաև որպես Ռուսական տուն, պետք է գրանցվի որպես իրավաբանական անձ տեղական օրենսդրությամբ», – ասել է Պրիմակովը։

Նա նշել է, որ «դա սկզբունքորեն նախատեսված է միջկառավարական համաձայնագրով, որը ստորագրվել է դեռևս 1997 թվականին»։

Ըստ Պրիմակովի՝ Մոսկվան միշտ պատրաստ է եղել Բաքվում գրանցել կենտրոնը, սակայն նրա խնդրանքները մնացել են անպատասխան։

«Բայց բանն այն, որ և՛ Ադրբեջանում մեր դեսպանատունը, և՛ մեր ներկայացուցչությունը, և՛ ԱԳՆ-ն այս տարիների ընթացքում բազմիցս դիմել են Ադրբեջանի ԱԳՆ-ին՝ խնդրելով օգնել մեզ գրանցման հարցում: Մենք միշտ պատրաստ ենք եղել դա անել, բայց մեր դիմումները մնացել են անպատասխան»,- ասել է նա։

Ըստ Պրիմակովի՝ «նախորդ նման սրացումը եղել է 2017 թվականին, երբ Ադրբեջանը պահանջել է անհապաղ գրանցում»։

«Այս պահին զարգացող սկանդալի ֆոնին որոշ ժամանակ առաջ մեր վարձակալած տարածքի սեփականատերն ասաց, որ շտապ այն վաճառում է և խնդրում, որ դուրս գանք։ Շենքից դուրս գալու վերջնաժամկետը մոտենում է՝ մոտ մեկուկես ամսից»,- նշել է նա։

Պրիմակովի խոսքով՝ եթե նույնիսկ կողմերին հաջողվի պաշտոնական լուծում գտնել այս հարցին, «Ռուսական տունը», ամեն դեպքում, ստիպված կլինի տեղափոխվել:

Նա նաև հայտարարել է, թե Բաքվի «Ռուսական տան» և ԱՄՆ Միջազգային զարգացման գործակալության (USAID) գործունեության համեմատությունը որևէ քննադատության չի դիմանում, քանի որ «Ռոսսոտրուդնիչեստվո»-ն չի զբաղվում քաղաքական հարցերով՝ ի տարբերություն ամերիկյան կառույցի։

Հիշեցնենք, որ Բաքուն պաշտոնական ծանուցում է ուղարկել ռուսական կողմին Ադրբեջանի տարածքում «Ռոսսոտրուդնիչեստվո» գործակալության գործունեությունը դադարեցնելու վերաբերյալ։

Թարգմանությունը՝ Էմմա Չոբանյանի