14.04.2025 | 15:35
Սի Ցզինպինը հայտարարել է, որ «առևտրային և մաքսատուրքային պատերազմներում հաղթողներ չեն լինում»
ԱՄՆ գերատեսչությունները Մասկի DOGE-ի ազդեցության տակ սկսել են չեղարկել Politico-ի, AP-ի և The New York Times-ի վճարովի բաժանորդագրությունները
06.02.2025 | 16:18
ԱՄՆ գործադիր մարմինները սկսել են չեղարկել Politico-ի բաժանորդագրությունն այն բանից հետո, երբ պարզվել է, որ երկրի իշխանությունները 2024 թվականին միլիոնավոր դոլարներ են ծախսել՝ պարբերականի վճարովի ծառայություններից օգտվելու համար։ Այս մասին հայտարարել է Սպիտակ տան մամուլի խոսնակ Քերոլայն Լևիթը, գրում է Meduza-ն։
«Ինձ հայտնի է դարձել, որ USAID-ի կողմից լրատվամիջոցների, այդ թվում՝ Politico-ի ֆինանսավորման մասին։ Եվ ես կարող եմ հաստատել, որ ավելի քան 8 միլիոն դոլարը, որն ուղղվել է Politico-ի բաժանորդագրությունների սուբսիդավորմանը ամերիկյան հարկատուների հաշվին, այլևս հասանելի չի լինի: DOGE-ի թիմը ներկայում աշխատում է՝ չեղարկելու այդ վճարները»,- ասել է Լևիթը։
Նշվում է, որ USAID-ն 2024 թվականին 24,000 դոլար է ծախսել Politico-ի բաժանորդագրությունների վրա, մինչդեռ ԱՄՆ բոլոր պետական կառույցները ծախսել են 8,2 միլիոն դոլար:
Վերջին շրջանում ակտիվիստները սկսել են օգտագործել USAspending.gov կայքը՝ ստուգելու համար պետական վճարումները մեդիա կազմակերպությունների բաժանորդագրությունների համար, ինչպիսիք են The New York Times-ը, Associated Press-ը և Reuters-ը:
Այն բանից հետո, երբ DOGE-ն սկսել է աշխատել լրատվամիջոցների բաժանորդագրությունների հարցով, NASA-ն չեղյալ է հայտարարել Politico-ին իր բաժանորդագրությունը, ֆինանսների նախարարությունը՝ The New York Times-ին, Պետքարտուղությունը՝ Associated Press-ին։
Թարգմանությունը՝ Էմմա Չոբանյանի
