22.06.2026 | 11:55
Խնդիրներ են ստեղծում խցանումների հետ կապված. ինտենսիվ պետք է աշխատենք. Ավինյան․ ՏԵՍԱՆՅՈՒԹ
Ադրբեջանի մի շարք բնակավայրերում հեղեղներ են․ բնակիչների տարհանում է իրականացվում․ ՏԵՍԱՆՅՈՒԹ
Քաղաքականություն
06.02.2025 | 17:35
Ադրբեջանի մի շարք բնակավայրերում ինտենսիվ տեղումների հետևանքով հեղեղներ են։ Ադրբեջանական լրատվամիջոցների հաղորդմամբ՝ Արտակարգ իրավիճակների նախարարության «112» թեժ գծին ահազանգեր են ստացվել, որ հորդառատ անձրևների պատճառով հեղեղվել են Լենքորան քաղաքի, Գիրդանի, Քոսալար և Շիլյավար գյուղերի տարածքները։
Նշվում է, որ այս առնչությամբ անմիջապես ներգրավվել են ԱԻՆ հարավային մարզային կենտրոնի, Ջրային նավերի վերահսկողության և փրկարարական պետական ծառայության, Հատուկ ռիսկի փրկարար ծառայության ուժերը և Պետական հրշեջ ծառայության համապատասխան ուժերը։
Նախարարության ուժերն իրականացնում են քաղաքացիների տարհանում, ջրահեռացում, անհրաժեշտ այլ միջոցառումներ: Հաղորդվում է, որ արդեն տարհանվել է 22 քաղաքացի, այդ թվում՝ 6 երեխա։
Թարգմանությունը՝ Էմմա Չոբանյանի
