01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Վրաստանը կսահմանափակի օտարերկրյա աղբյուրներից լրատվամիջոցների ֆինանսավորումը
Քաղաքականություն
06.02.2025 | 12:18
Վրաստանի իշխող «Վրացական երազանք» կուսակցությունը նախաձեռնում է «Զանգվածային լրատվամիջոցների մասին» օրենքի ընդունում, որը կսահմանափակի արտասահմանյան աղբյուրներից ֆինանսավորումը։ Այս մասին հայտնել է կուսակցության գործադիր քարտուղար Մամուկա Մդինարաձեն։
Նրա խոսքով՝ սահմանափակումները չեն վերաբերի գովազդից ստացվող եկամուտներին, իսկ օրենքը կմշակվի բրիտանական օրենսդրության հիման վրա, հաղորդում է «Նովոստի-Գրուզիա»-ն։
«Օրենքը կսահմանի ԶԼՄ-ների օբյեկտիվության, ինչպես նաև լրագրողական էթիկայի չափանիշներ։ Կսահմանվեն ինստիտուցիոնալ մեխանիզմներ՝ մոնիթորինգի և այդ չափանիշներին համապատասխանության ապահովման համար»,- ասել է Մդինարաձեն։
Նա հայտնել է, որ «Վրացական երազանքը» օրինագծի նախապատրաստումը կսկսի բառացիորեն վաղը։
Թարգմանությունը՝ Տաթև Ֆռանգյանի
