08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ադրբեջանում հերթական ընդդիմադիր լրագրողն է ձերբակալվել
05.02.2025 | 20:44
Ադրբեջանում փետրվարի 4-ի լույս 5-ի գիշերը ձերբակալվել է argument.az կայքի գլխավոր խմբագիր, լրագրող Շամշադ Աղաևը։ Նրա եղբայրը՝ Շահիդ Աղաևը, տեղական լրատվամիջոցներին պատմել է, որ գիշերը ժամը 2-ի սահմաններում Բաքվում գտնվող իրենց տունը խուզարկվել է քննիչի և դիմակավորված 7-8 ոստիկանների կողմից։
«Ոստիկանները ներխուժել են մեր տուն և խուզարկել։ Տարել են Շամշադի հին հեռախոսը, իմ հեռախոսը, հիշողության քարտերը, մի քանի հին սկավառակ, համակարգիչ, մոդեմ և մամուլի հավատարմագրերը։ Հետո արձանագրություն կազմեցին։ Շամշադը կարողացել է միայն ասել, որ իրեն ձերբակալել են»,- պատմել է լրագրողի եղբայրը։
Փաստաբան Շախլա Գումբատովան հայտնել է, որ նա ձերբակալվել է Քրեական օրենսգրքի 206.3.2 հոդվածով (մաքսանենգությունը, որը կատարվել է մի խումբ անձանց կողմից նախնական համաձայնությամբ) մեղադրանքով՝ Meydan TV-ի գործով։
Անցյալ տարվա հուլիսի 5-ին Բաքվի քաղաքային ոստիկանության գլխավոր վարչությունում որպես վկա հարցաքննել էր լրագրող Շամշադ Աղաևին Toplum TV-ի գործով։ Քննչական մարմինը բանավոր հայտարարել է, որ նրան արգելել են հեռանալ երկրից։
Հավելենք, որ 2024 թվականի դեկտեմբերի 6-ին Meydan TV-ի մի շարք աշխատակիցներ են ձերբակալվել, նրանք 4 ամսով կալանավորվել են։
Թարգմանությունը՝ Էմմա Չոբանյանի
