08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Վրաստանի խորհրդարանը դադարեցրել է ընդդիմադիր 49 պատգամավորի լիազորությունները
Քաղաքականություն
05.02.2025 | 17:46
Վրաստանի խորհրդարանը կասեցրել է 49 ընդդիմադիր պատգամավորի պատգամավորական լիազորությունները։ Այժմ երկիրն ունի խորհրդարան 101 պատգամավորով՝ 150-ի փոխարեն, ինչպես սահմանված է Սահմանադրությամբ, գրում է Գրուզիա օնլայնը։
Մինչ խորհրդարանի կողմից հաստատվելը՝ այս հարցն ընդունվել է Ընթացակարգային հանձնաժողովի կողմից, որը քննարկել է «Միասնություն-Ազգային շարժման», «Հանուն փոփոխությունների կոալիցիա»-ի և «Հզոր Վրաստան»-ի պատգամավորների լիազորությունները դադարեցնելու դիմումները և հաստատել նրանց ստորագրությունների իսկությունը։
Դեռևս 2024 թվականի նոյեմբերին նրանք դիմել էին խորհրդարան՝ իրենց մանդատները վայր դնելու դիմումով, սակայն «Վրացական երազանքը» դեռևս չէր քննարկել համապատասխան գրավոր հայտարարությունները։
Հիշեցնենք, որ Վրաստանի Կենտրոնական ընտրական հանձնաժողովի ամփոփիչ արձանագրության համաձայն՝ 2024 թվականի հոկտեմբերի 26-ի ընտրություններից հետո «Ուժեղ Վրաստանը» ստացել է 14 մանդատ, «Հանուն փոփոխությունների կոալիցիան»՝ 19, «Միասնություն-Ազգային շարժումը»՝ 16 մանդատ։
Հիշեցնենք նաև, որ վրացական ընդդիմությունը չի ընդունում երկրում անցկացված խորհրդարանական ընտրությունների արդյունքները, ի նշան բողոքի՝ «Հանուն փոփոխության», «Հզոր Վրաստան» և «Միասնություն-Ազգային շարժում» կոալիցիաները դիմել էին երկրի ԿԸՀ՝ ցուցակները հետ կանչելու պահանջով։ «Գախարիան հանուն Վրաստանի» կուսակցությունը, որը նույնպես լեգիտիմ չի ճանաչում 11-րդ գումարման խորհրդարանը, հայտարարությունների մակարդակով է ընդգծել, որ չի մասնակցելու օրենսդիր մարմնի աշխատանքին։
Թարգմանությունը՝ Տաթև Ֆռանգյանի
