04.04.2026 | 17:42
Ապրիլի եղանակի կանխատեսումը և կլիմայական բնութագիրը
Ադրբեջանական օդանավի կործանման վերաբերյալ նախնական զեկույցը կհրապարակվի առաջիկա օրերին
Քաղաքականություն
04.02.2025 | 13:33
Ղազախստանի Ակտաու քաղաքի մերձակայքում «Ադրբեջանական ավիաուղիների» (AZAL) օդանավի կործանման հետաքննության վերաբերյալ նախնական զեկույցը կհրապարակվի առաջիկա օրերին։ Այս մասին հայտարարել է Ղազախստանի տրանսպորտի նախարար Մարատ Կարաբաևը, գրում է Tengrinews.kz-ը։
«Մասնագետները քրտնաջան աշխատում են։ Մենք արդեն խոսել ենք այս մասին, որ ներգրավվել են միջազգային մասնագետներ Ադրբեջանից, Ռուսաստանից, Բրազիլիայից, ԻԿԱՕ-ից։ Ակնկալում ենք, որ առաջիկա օրերին նախնական զեկույցը պաշտոնապես կհրապարակվի մեր կայքում»,- ասել է Կարաբաևը։
Նա հավելել է, որ մասնագետներին ժամանակ է պետք աշխատանքն ավարտելու համար, և որ դա շատ նուրբ, տքնաջան աշխատանք է։
Հիշեցնենք, որ Բաքվից Գրոզնի թռչող AZAL-ի օդանավը վթարի էր ենթարկվել դեկտեմբերի 25-ին Ղազախստանի Ակտաու քաղաքի մոտ։ Օդանավում գտնվող 67 մարդկանցից 38-ը մահացել են։
Օրերս ադրբեջանական իշխանամերձ լրատվամիջոցը հայտնել էր, որ ինքնաթիռի կործանման դեպքի առթիվ Ռուսաստանում անցկացված քրեական գործի հետաքննությունը հաստատել է, որ օդանավը խոցվել է «Պանցիր Ս-1» հակաօդային պաշտպանության համակարգով։ Ըստ ադրբեջանական կառավարության իրազեկ աղբյուրների՝ եթե Ռուսաստանը փորձի փակել գործը և չհրապարակի հետաքննության արդյունքները, ապա Բաքուն կդիմի միջազգային իրավական կառույցներին։
Թարգմանությունը՝ Էմմա Չոբանյանի
