Քաղաքականություն
04.02.2025 | 17:28
Թուրքիայի նախագահ Ռեջեփ Թայիփ Էրդողանը հայտարարել է, որ անհրաժեշտ է պատրաստ լինել երկրաշարժերի՝ Հունաստանի Սանտորինիի մերձակայքում գրանցված սեյսմիկ ակտիվությունից հետո, գրում է Անադոլուն:
«Վերջին մի քանի օրվա ընթացքում Էգեյան ծովի հունական կողմում տեղի ունեցած ցնցումները մեզ ևս մեկ անգամ հիշեցնում են մեր կատարած աշխատանքի արժեքը, և որ երկրաշարժերին պատրաստվածությունը մեր երկրի գոյատևման խնդիրն է»,-ասել է Էրդողանը։
Անդրադառնալով 2023 թվականի փետրվարին Թուրքիայում տեղի ունեցած ավերիչ երկրաշարժերին՝ նա զգուշացրել է․ «Մենք այլ ելք չունենք, քան արագորեն սեյսմակայուն դարձնել մեր քաղաքները, հատկապես՝ Ստամբուլը»։
Էրդողանը նաև կարևորել է տեղական պաշտոնյաների պատասխանատվությունը։
«Տեղական վարչակազմերի ղեկավարները պետք է իրենց կառավարած քաղաքները պատրաստեն քաղաքային վերափոխման նախագծերով երկրաշարժերի համար»,- նշել է երկրի ղեկավարը:
Թարգմանությունը՝ Էմմա Չոբանյանի
