Կանադան և Մեքսիկան համաձայնության են եկել ԱՄՆ-ի հետ՝ դադարեցնելու Թրամփի կողմից սահմանված ներմուծման 25% մաքսատուրքերը

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Մեքսիկայից հետո նաև Կանադան է ԱՄՆ-ի հետ համաձայնության եկել նախագահ Դոնալդ Թրամփի կողմից սահմանված մաքսատուրքերը կասեցնելու հարցում, փոխանցում է Current Time-ը։

Կանադայի վարչապետ Ջասթին Թրյուդոն բանակցություններ է վարել Թրամփի հետ։ Կողմերը պայմանավորվել են առնվազն 30 օրով կասեցնել 25 տոկոս մաքսատուրքերի ներդրումը, X-ում նշել է կանադացի գործիչը։

«Ես հենց նոր լավ խոսեցի նախագահ Թրամփի հետ։ Կանադան իրականացնում է մեր 1,3 միլիարդ դոլար արժողությամբ սահմանային ծրագիրը․ կամրապնդի սահմանը նոր ուղղաթիռներով, տեխնոլոգիաներով և անձնակազմով, կբարելավի համակարգումը մեր ամերիկացի գործընկերների հետ և կավելացնի ռեսուրսները՝ դադարեցնելու ֆենտանիլի հոսքը։ Առաջնագծում գրեթե 10 հազար մարդ աշխատում է և աշխատելու է սահմանների պաշտպանության ուղղությամբ»,- նշել է նա։

Թրամփն իր հերթին նշել է, որ գոհ է Կանադայի հետ բանակցությունների արդյունքներից և հաստատել մաքսատուրքերի կասեցումը։ Հայտարարությունն արվել է նրա հրամանագրի՝ ուժի մեջ մտնելուց մի քանի ժամ առաջ։

Ավելի վաղ Թրամփը մեկ ամսով հետաձգել էր Մեքսիկայից ապրանքների մաքսատուրքերի սահմանումը։ Այս որոշումը նա կայացրել էր Մեքսիկայի նախագահ Կլաուդիա Շայնբաումի հետ «շատ բարեկամական» հեռախոսազրույցից հետո։ Նա հաստատել է ձեռք բերված պայմանավորվածությունը։

Շեյնբաումը համաձայնել է լրացուցիչ 10,000 զինվորականի ուղարկել Մեքսիկա-ԱՄՆ սահմանը պահպանելու համար: Երկու քաղաքական գործիչների կարծիքով՝ դա կօգնի դադարեցնել թմրանյութերի և անօրինական ներգաղթյալների ներհոսքը Միացյալ Նահանգներ։

ԱՄՆ-ն իր հերթին հավատարիմ է Մեքսիկա զենքի անօրինական առաքումները կանխելուն:

Իսկ ահա Չինաստանի Պետական ​​խորհուրդը հայտարարել է, որ Պեկինը 15 տոկոս մաքսատուրքեր կսահմանի ԱՄՆ-ից ածուխի և հեղուկ բնական գազի ներմուծման, ինչպես նաև 10 տոկոս մաքսատուրք նավթի և ամերիկյան այլ ապրանքների, այդ թվում՝ ավտոմեքենաների և գյուղատնտեսական տեխնիկայի ներմուծման համար։ Չինաստանի իշխանությունները հայտարարել են, որ պատասխան միջոցներն ուժի մեջ են մտնելու փետրվարի 10-ին։

Թրամփը ծրագրում էր զրուցել Չինաստանի նախագահ Սի Ցզինպինի հետ, սակայն դեռևս չի արել դա, իսկ մաքսատուրքեր սահմանելու՝ Վաշինգտոնի որոշումն արդեն ուժի մեջ է մտել։

Թարգմանությունը՝ Տաթև Ֆռանգյանի