13.01.2026 | 18:20
ԵՄ-ն խոստանում է պատժամիջոցներ կիրառել Իրանի նկատմամբ «սարսափելի զոհերի պատճառով»
ՀՀ ֆինանսների նախարարը հանդիպել է տնտեսագիտության Նոբելյան մրցանակի դափնեկիր Ջոզեֆ Ստիգլիցի հետ
03.02.2025 | 16:36
ՀՀ ֆինանսների նախարար Վահե Հովհաննիսյանը ԱՄՆ կատարած իր աշխատանքային այցի շրջանակներում հանդիպել է ամերիկացի տնտեսագետ, տնտեսագիտության Նոբելյան մրցանակի դափնեկիր, Կոլումբիայի համալսարանի պրոֆեսոր, ԱՄՆ նախագահի տնտեսական խորհրդականների խորհրդի նախկին նախագահ և Համաշխարհային բանկի ավագ փոխնախագահ և գլխավոր տնտեսագետ Ջոզեֆ Ստիգլիցի հետ․ հայտնում են գերատեսչությունից։
Հանդիպման շրջանակներում կողմերը մտքեր են փոխանակել հարկային քաղաքականության, Հայաստանի հարկային ոլորտի բարեփոխումների, հայտարարագրման ընդհանուր համակարգի ներդրման, ինչպես նաև կրթական համակարգի զարգացման մասին:
Նախարար Հովհաննիսյանը խոսել է նաև վերջին տարիներին ՏՏ ոլորտի մասնագետների՝ Հայաստան ներհոսքի և տարածաշրջանի այլ երկրների կողմից իրականացվող ՏՏ ոլորտին առնչվող հարկային քաղաքականության մասին: Նախարարը, անդրադառնալով տարածաշրջանի երկրների՝ ՏՏ ոլորտի մասնագետների աշխատանքի համար ավելի նպաստավոր պայմաններ ստեղծելու միտումներին, նշել է, որ ներկայումս Հայաստանում լուրջ քննարկումներ են ընթանում այս ոլորտում խորքային բարեփոխումներ իրականացնելու ուղղությամբ:
Հանդիպման ավարտին նախարար Հովհաննիսյանը պրոֆեսոր Ստիգլիցին պաշտոնապես հրավիրել է Հայաստան և պատրաստակամություն հայտնել նույն քննարկումներն ու մտքերի փոխանակումը շարունակելու նաև Հայաստանում։
