17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Թբիլիսիում բողոքի ցույցի ժամանակ ձերբակալված ընդդիմադիր Նիկա Մելիան ազատ է արձակվել
Քաղաքականություն
03.02.2025 | 11:51
Վրաստանի ընդդիմադիր «Փոփոխությունների կոալիցիա»-ի առաջնորդ Նիկա Մելիան ազատ է արձակվել փետրվարի 2-ին «Թբիլիսի մոլ»-ի մոտ տեղի ունեցած բողոքի ցույցի ժամանակ վարչական իրավախախտման համար ձերբակալվելուց հետո։ Մելիան ազատ է արձակվել գրավի դիմաց՝ պարտավորվելով ներկայանալ իր գործով դատական նիստին:
«Ոստիկանության բաժնում ես ձեռնաշղթաներով նստած էի, ոստիկանը ոտքով հարվածեց ինձ, բայց, իհարկե, այս օպերատիվ տեսագրությունը չի փոխանցվի լրատվամիջոցներին»,- լրագրողներին ասել է Մելիան, փոխանցում է Ինտերֆաքսը:
Փետրվարի 2-ին ընդդիմության կողմնակիցները (ըստ որոշ տվյալների՝ մի քանի հարյուր, այլ տեղեկություններով՝ հազարավորներ) հավաքվել էին Թբիլիսիի մուտքի մոտ՝ կենտրոնական մայրուղին փակելու մտադրությամբ։
Վրաստանում բողոքի ցույցերը նոր թափ են ստացել այն բանից հետո, երբ նոյեմբերին կայացած խորհրդարանական ընտրություններում հաղթած «Վրացական երազանք» կուսակցությունը հրաժարվել է շարունակել ԵՄ-ին անդամակցելու շուրջ բանակցությունները։
Թարգմանությունը՝ Տաթև Ֆռանգյանի
