02.03.2025 | 19:06
Խցանման պատճառով Մ-9-Շինուհայր-Տաթև-Աղվանի ավտոճանապարհը ժամանակավորապես փակ է բոլոր տեսակի տրանսպորտային միջոցների համար
Հյուսիսային Կորեայի զորքերը երկու շաբաթ ուկրաինական ճակատում չեն եղել. հետ են կանչվել կորուստների պատճառով. NYT
Քաղաքականություն
31.01.2025 | 20:48
Հյուսիսային Կորեայի զորքերն այլևս չեն երևում ուկրաինական ճակատում, հայտնում է New York Times-ը։ Հյուսիսային Կորեան ուղարկել է իր լավագույն զորքերը՝ օգնելու Ռուսաստանին Ուկրաինայի դեմ պատերազմում, սակայն ամիսներ տևած ծանր կորուստներից հետո նրանք դուրս են բերվել առաջնագծից, պնդում է ամերիկյան թերթը։
NYT-ի աղբյուրները պնդում են, որ հյուսիսկորեական զորքերը ռազմաճակատում չեն երևացել մոտ երկու շաբաթ։
Նոյեմբերին Ռուսաստան մոտ 11000 հյուսիսկորեացի զինվորականների ժամանումը տագնապ էր առաջացրել Ուկրաինայում և նրա արևմտյան դաշնակիցների շրջանում, ովքեր վախենում էին, որ նրանց տեղակայումը կնշանակի պատերազմի զգալի սրացում, գրում է թերթը։ Սակայն ընդամենը երեք ամսում հյուսիսկորեացիների շարքերը կրկնակի կրճատվել են, պնդում է Ուկրաինայի զինված ուժերի գերագույն գլխավոր հրամանատար Ալեքսանդր Սիրսկին։
