Սխալ էր թույլ տալ մարդկանց հավատալ, որ Ուկրաինան կարող է հաղթել Ռուսաստանին․ Մարկո Ռուբիո

ԱՄՆ պետքարտուղար Մարկո Ռուբիոն  հայտարարել է, որ Ուկրաինայում պատերազմը պետք է ավարտվի բանակցություններով, և երկու կողմերը պետք է գնան զիջումների։ Այս մասին նա ասել է ամերիկացի լրագրող Մեգին Քելլիին տված հարցազրույցում, փոխանցում է BBC –ի ռուսական ծառայությունը։

«Ճիշտ չէ, որ մենք որևէ կերպ հասցրել ենք նրան, որ թույլ ենք տվել մարդկանց հավատալ, ու Ուկրաինան ունակ է Ռուսաստանին պարտության մատնել՝ մղելով ամեն ինչ այն իրավիճակին, որը եղել է 2012 կամ 2014 թ-ին, երբ Ռուսաստանը գրավեց Ղրիմը»,-ասել է նա` հավելելով, որ երկու կողմերն էլ «սարսափելի գին են վճարում այս պատերազմում, երկու կողմերն էլ հասկանում են, որ չեն հասնի իրենց մաքսիմալիստական ​​նպատակներին»։

Ռուբիոյի խոսքով ՝ պետք նշանակալի աշխատանք կատարել  և «միայն ԱՄՆ-ի հետ նախագահ Թրամփի ղեկավարությամբ դա հնարավոր կլինի»։

«Դա հեշտ չի լինի ու կպահանջի որոշակի ժամանակ, սակայն ես գիտեմ, որ նա վճռական է տրամադրված հասնելու դրան»,-ասել է ԱՄՆ պետքարտուղարը։

Դոնալդ Թրամփը նախընտրական քարոզարշավի ժամանակ պնդում էր, որ կարող է շատ արագ ավարտել պատերազմն Ուկրաինայում, սակայն պաշտոնը ստանձնելուց ի վեր նա այլ քայլ չի ձեռնարկել, քան ավելի շատ հայտարարություններ անելը։ Նա մասնավորապես նշել  է, որ ՌԴ-ի ու Ուկրաինայի նախագահներ Վլադիմիր Պուտինն ու Վլադիմիր Զելենսկին մոտ ապագայում պետք է նստեն բանակցությունների սեղանի շուրջ, հակառակ դեպքում Մոսկվայի դեմ նոր պատժամիջոցներ կկիրառվեն։

Թարգմանությունը՝ Էմմա Չոբանյանի