17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Սիրիայի նախագահը կայցելի Թուրքիա, բանակցություններ կվարի Էրդողանի հետ
Քաղաքականություն
31.01.2025 | 18:21
Սիրիայի ժամանակավոր նախագահ Ահմեդ ալ-Շարաան առաջիկա երկու շաբաթվա ընթացքում կայցելի Թուրքիա։ Այս մասին հայտնում է թուրքական Türkiye թերթը՝ վկայակոչելով իր աղբյուրներին։
«Անկարա այցն ավելի վաղ հետաձգվել էր ալ-Շարաայի նոր կարգավիճակի պաշտոնական ամրապնդման կապակցությամբ։ Ակնկալվում է, որ ալ-Շարաան կժամանի Թուրքիա առաջիկա երկու շաբաթվա ընթացքում ու կարևորագույն բանակցություններ կանցկացնի Էրդողանի հետ»,- գրում է պարբերականը։
Պարբերականի տվյալներով՝ ալ-Շարաան ծրագրում է այցելել նաև Սաուդյան Արաբիա։
Հիշեցնենք՝ նա իշխանության եկավ այն բանից հետո, երբ 2024 թվականի նոյեմբերի վերջին զինված ընդդիմադիր խմբավորումները լայնածավալ հարձակում սկսեցին սիրիական բանակի դիրքերի դեմ։ Դեկտեմբերի 8-ին նրանք մտան Դամասկոս, որից հետո նախագահ Բաշար ալ-Ասադը հրաժարական տվեց ու լքեց երկիրը՝ ապաստան ստանալով ՌԴ-ում։
Թարգմանությունը՝ Տաթև Ֆռանգյանի
