30.04.2026 | 10:25
Փորձել են ՌԴ-ից 72 մլն ռուբլի ներմուծել․ ՊԵԿ-ի բացահայտումը․ ՏԵՍԱՆՅՈՒԹ
Առաջընթաց չկա Թրամփ-Պուտին հանդիպման կազմակերպման հարցում․ Ռյաբկով
Քաղաքականություն
31.01.2025 | 15:24
Դեռևս առաջընթաց չկա Թրամփի և Պուտինի հանդիպման կազմակերպման հարցում։ Այս մասին ուրբաթ օրը հայտարարել է ՌԴ ԱԳՆ ղեկավարի տեղակալ Սերգեյ Ռյաբկովը։
«Հարցը տրվում է գործնականում ամեն օր, և մենք ամեն օր կրկնում ենք նույն պատասխանը, այն է՝ առաջընթաց չկա», – ՏԱՍՍ գործակալությանը ասել է Սերգեյ Ռյաբկովը։
Փոխնախարարի խոսքով, Մոսկվան «առավել ուշադիր» արձանագրում է Վաշինգտոնի բոլոր հանրային ազդանշանները «սուր և պակաս սուր, երկարաժամկետ և հրատապ հարցերի վերաբերյալ»։
«Այս ամենն, իհարկե, կարևոր է, այս ամենն աննկատ չի մնում մեր աչքից։ Բայց քաղաքական մակարդակով ուղիղ երկխոսության վերսկսումը, անշուշտ, պահանջված կլիներ»,- եզրափակել է Ռյաբկովը։
Հինգշաբթի օրը Ռուսաստանի նախագահի մամուլի քարտուղար Դմիտրի Պեսկովը հայտնել է, որ ռուս և ամերիկացի առաջնորդները դեռ հեռախոսով չեն խոսել։ Նա այսպես է մեկնաբանել ԱՄՆ նախագահի խոսքերը, թե ինքը Պուտինի հետ չի քննարկել Վաշինգտոնում տեղի ունեցած ավիավթարը։
Թարգմանությունը՝ Տաթև Ֆռանգյանի
