Նախագահ Բակո Սահակյանը սեպտեմբերի 25-ին ընդունել է «Թուֆենկյան» բարեգործական հիմնադրամի պատվիրակությանը, որն Արցախ է ժամանել հանրապետությունում հիմնադրամի գործունեության 15-ամյակին նվիրված միջոցառումների շրջանակներում: Ինչպես տեղեկացրին Արցախի Հանրապետության Նախագահի աշխատակացմի տեղեկատվության գլխավոր վարչությունից, քննարկվել են Արցախում իրականացվող եւ նախատեսվող ծրագրերին վերաբերող հարցեր:
Նախագահ Սահակյանը բարձր է գնահատել «Թուֆենկյանվ հիմնադրամի գործունեությունն Արցախում, որտեղ կառույցի անմիջական մասնակցությամբ կյանքի են կոչվել բազմաթիվ կարեւոր ծրագրեր, եւ հույս հայտնել, որ հիմնադրամն այսուհետ եւս նույն եռանդով կշարունակի իր հայրենանվեր առաքելությունը մեր հանրապետությունում:
