20.02.2026 | 13:53
Մեղրի համայնքին է վերադարձվել շուրջ 3.15 հա մակերեսով 6 հողամաս. Դատախազություն
Իրանի և Ադրբեջանի հարաբերությունները գտնվում են բարձր մակարդակի վրա․ Հաջիև
Քաղաքականություն
29.01.2025 | 17:54
Ադրբեջանն ու Իրանը հարևան պետություններ են, կարևոր է մեր երկրների միջև ունենալ բարեկամական և բարիդրացիական հարաբերություններ։ Այս մասին ադրբեջանական լրատվամիջոցներին ասել է Ադրբեջանի նախագահի օգնական, վարչակազմի արտաքին քաղաքականության բաժնի ղեկավար Հիքմեթ Հաջիևը։
Նրա խոսքով՝ Իրանի և Ադրբեջանի հարաբերությունները գտնվում են բարձր մակարդակի վրա։
«Բոլոր հարցերը քննարկվում են երկու երկրների համապատասխան կառույցների միջև երկխոսության և համագործակցության մթնոլորտում: Հասարակական և լրատվական դաշտում լինում են տարբեր տարաձայնություններ կամ ուժեր, որոնք փորձում են ազդել այդ գործընթացի վրա։ Սակայն մենք կարծում ենք, որ ամենակարևորը քաղաքական խորհրդակցություններն են, որոնք անցկացվում են պետական մակարդակով երկու երկրների համապատասխան կառույցների միջև»,- հայտարարել է Ալիևի օգնականը։
Թարգմանությունը՝ Էմմա Չոբանյանի
