03.04.2026 | 23:13
NASA-ն հրապարակել է Երկրի նոր լուսանկարը
Բաքուն դիտարկել է ՀՀ-ում ԵՄ դիտորդների տեղաշարժը․ՏԵՍԱՆՅՈՒԹ
Քաղաքականություն
28.01.2025 | 14:13
Պաշտոնական Բաքուն շարունակում է դժգոհել ՀՀ-ում տեղակայված ԵՄ քաղաքացիական առաքելությունից ու թիրախավորել դիտորդներին։ Ադրբեջանական լրատվամիջոցները երկրի պետական սահմանապահ ծառայության կողմից ներկայացված կադրերն են հրապարակել, թե ինչպես են հետևում Հայաստանում ԵՄ դիտորդներին։ Ի դեպ, քաղաքացիական դիտորդներին ադրբեջանական լրատվամիջոցները «լրտեսներ» են անվանում։
Նշվում է, որ դիտորդական առաքելությունն ակտիվացրել է գործունեությունը Կովսականի (Զանգիլան) շրջանի ուղղությամբ։ Կադրերում երևում է, որ ԵՄ առաքելության ավտոշարասյունը շարժվում է Կապանի օդանավակայանից դեպի Ադրբեջանի հետ սահման՝ պարեկության։
Հավելենք, որ օրեր առաջ Ադրբեջանի պետական սահմանապահ ծառայությունը ԵՄ դիտորդներին հետևող մեկ այլ տեսանյութ էր հրապարակել։
Հիշեցնենք, որ հունվարի սկզբին ադրբեջանական տեղական հեռտուստաալիքների հետ հարցազրույցում Ադրբեջանի նախագահ Իլհամ Ալիևը հերթական անգամ սպառնացել էր ԵՄ դիտորդներին։
Թարգմանությունը՝ Էմմա Չոբանյանի
