08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Թրամփը չինական DeepSeek AI մոդելի հաջողության ֆոնին հայտարարել է, որ ԱՄՆ-ը մաքսատուրքեր կսահմանի օտարերկրյա չիպերի համար
Քաղաքականություն
28.01.2025 | 11:42
ԱՄՆ նախագահ Դոնալդ Թրամփը հայտարարել է, որ ծրագրում է մաքսատուրքեր սահմանել կիսահաղորդիչների, դեղագործական ապրանքների և մետաղների ներմուծման համար, հաղորդում է Bloomberg-ը:
«Շատ մոտ ապագայում մենք մաքսատուրքեր կսահմանենք արտասահմանյան արտադրության համակարգչային չիպերի, կիսահաղորդիչների և դեղագործական ապրանքների համար՝ առաջին անհրաժեշտության այս ապրանքների արտադրությունը ԱՄՆ վերադարձնելու համար»,- ասել է Թրամփը Ներկայացուցիչների պալատի հանրապետական անդամների հետ Մայամիում իր Դորալ հանգստավայրում հանդիպմանը։
Թրամփը նաև խոստացել է մաքսատուրքեր սահմանել պողպատի, ալյումինի և պղնձի համար։
Ըստ Bloomberg-ի՝ Թրամփը սպառնացել է կիսահաղորդիչների մաքսատուրքեր սահմանել մի քանի ժամ անց այն բանից հետո, երբ չիպեր արտադրող Nvidia-ի շուկայական կապիտալիզացիան նվազել է ավելի քան 600 միլիարդ դոլարով՝ չինական DeepSeek ստարտափի արհեստական բանականության նոր մոդելի գործարկման ֆոնին:
Թրամփը կարծում է, որ DeepSeek-ի ստեղծումը «պետք է արթնացման կոչ լինի» ամերիկյան ընկերությունների համար, որոնք պետք է կենտրոնանան մրցակցության ուղղությամբ՝ «հաղթելու համար»։
«Մենք ունենք աշխարհի ամենամեծ գիտնականներին, դա ինձ ասել է նույնիսկ Չինաստանի ղեկավարությունը: Ասել են, որ դուք ունեք աշխարհի ամենահանճարեղ գիտնականներին»,- հայտարարել է Թրամփը։
Թարգմանությունը՝ Տաթև Ֆռանգյանի
NVIDIA-ն 1 օրում 600 մլրդ դոլար է կորցրել DeepSeek-ի՝ ChatGPT-ի չինական մրցակցի հաջողության պատճառով
