17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
NVIDIA-ն 1 օրում 600 մլրդ դոլար է կորցրել DeepSeek-ի՝ ChatGPT-ի չինական մրցակցի հաջողության պատճառով
Քաղաքականություն
28.01.2025 | 11:08
Չիպեր արտադրող ամերիկյան NVIDIA ընկերության բաժնետոմսերը հունվարի 27-ի առևտրային օրվա ընթացքում էժանացել են գրեթե 18%-ով, հայտնում է CBS-ը։ Ընկերության շուկայական կապիտալիզացիան կրճատվել է ավելի քան 600 մլրդ դոլարով:
Արժեքի կտրուկ անկումը տեղի է ունեցել չինական DeepSeek ստարտափի կողմից մշակված արհեստական ինտելեկտի նոր մոդելի հայտնվելու ֆոնին. հանգստյան օրերին համապատասխան հավելվածը բարձրացել է AppStore-ի աղյուսակի առաջին հորիզոնականը:
Ըստ DeepSeek-ի ստեղծողների՝ ընդամենը մոտ 6 մլն դոլար է ծախսվել AI-ի զարգացման վրա, մինչդեռ Google-ը, Microsoft-ը և այլ խոշոր ընկերություններ միլիարդներ են ծախսում իրենց նմանատիպ նախագծերի վրա։
DeepSeek-ը, որն իր կատարողականությամբ համեմատելի է OpenAI-ի ChatGPT-ի հետ, կարող է աշխատել շատ ավելի փոքր արտադրողականություն ունեցող չիպերի վրա, այդ իսկ պատճառով ներդրողները այժմ երկընտրանքի առաջ են՝ արժե՞ արդյոք NVIDIA-ում և հզոր չիպեր արտադրող այլ ընկերություններում բազմամիլիարդանոց ներդրումներ կատարել:
Թարգմանությունը՝ Տաթև Ֆռանգյանի
