20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Բաքվում այսօր կշարունակվի Ռուբեն Վարդանյանի և Արցախի մյուս ղեկավարների շինծու գործերով դատական նիստը
Քաղաքականություն
27.01.2025 | 11:01
Բաքվի զինվորական դատարանում այսօր տեղի կուենենա Ադրբեջանում ապօրինի պահվող Արցախի ռազմաքաղաքական ղեկավարների դեմ հարուցված շինծու քրգործերով հերթական դատական նիստը։
Հիշեցնենք, ու հունվարի 21-ին տեղի ունեցած նիստում փաստաբանները միջնորդել էին իրենց պաշտպանյալների խափանման միջոցը փոխարինել տնային կալանքով, որին պետական մեղադրողը դեմ էր եղել։ Ըստ ադրբեջանական կողմի`Արկադի Ղուկասյանը, Բակո Սահակյանը, Մելիքսեթ Փաշայանը և Դավիթ Ալլահվերդյանը միջնորդել են բավարարել իրենց միջնորդությունները և նշանակել տնային կալանք։ Մյուսները միջնորդության բավարարել-չբավարարելու հարցը թողել էին դատարանի հայեցողությանը։ Արցախի նախկին նախագահ Արայիկ Հարությունյանն էլ ասել է, թե տնային կալանքի միջնորդություն չի ներկայացրել։
Այսօրվա դատական դատական նիստի ընթացքում հրապարակվելու են միջնորդությունների վերաբերյալ որոշումները։ Հայտնի չէ, սակայն, թե ինչ է նշանակելու տնային կալանքը Բաքվում պահվող հայերի պարագայում։
Միաժամանակ, Արցախի նախկին պետնախարար Ռուբեն Վարդանյանի գործն անջատ է քննվում։ Նրա գործով նախապատրաստական երկրորդ դատական նիստը ևս նշանակվել է հունվարի 27-ին։ Նախորդ՝ հունվարի 17-ի նիստի ընթացքում Վարդանյանն ու նրա փաստաբանը երկու միջնորդություն էին ներկայացրել։ Մեկը վերաբերվում էր նրան, որ իր դեմ հարուցված շինծու քրգործը միացվի Արցախի մյուս 15 ղեկավարների ու պաշտոնյաների գործին, որը դատարանը մերժել է։ Հաջորդ միջնորդությունը վերաբերում էր մեղադրական նյութերին ծանոթանալու համար լրացուցիչ ժամանակ տրամադրելուն։ Դատարանը որոշել է բավարարել միջնորդությունը, տրվել է լրացուցիչ 10 օր՝ գործի նյութերը ուսումնասիրելու համար։
Թարգմանությունը՝ Էմմա Չոբանյանի
