08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թուրքիան և Սիրիան կդիտարկեն ազատ առևտրի համաձայնագրի երկարաձգման հարցը
Քաղաքականություն
24.01.2025 | 22:16
Թուրքիան և Սիրիան քննարկել են առևտրային համագործակցությունը և մաքսային գործառնությունները՝ պայմանավորվելով ուսումնասիրել ազատ առևտրի համաձայնագրի երկարաձգման հնարավորությունը։ Այս մասին ասված է Թուրքիայի առևտրի նախարարության հայտարարության մեջ, փոխանցում է ՏԱՍՍ-ը։
«Կողմերը պայմանավորվել են բանակցություններ սկսել ազատ առևտրի համաձայնագրի երկարաձգման շուրջ, որի ժամկետը լրացել է 2011 թվականին՝ տնտեսական հարաբերությունների նկատմամբ առավել համապարփակ մոտեցում մշակելու նպատակով»,- նշել են գերատեսչությունում։
Որոշում է կայացվել նաև մաքսատուրքերի համակարգի աուդիտ անցկացնելու մասին։
«Որոշում է կայացվել վերանայել առանձին ապրանքների մաքսատուրքերը, որոնք երկու կողմից նույն չափով կկիրառվեն բոլոր սահմանային կետերում»,- հայտնում է Առևտրի նախարարությունը։
Տեսակոնֆերանսի ձևաչափով, ինչպես նաև Դամասկոսում թուրքական առևտրի վարչության պետի տեղակալի անձնական հանդիպումներից հետո սիրիական կողմը հայտարարել է, որ «թուրքական ընկերություններն առանցքային դեր կխաղան երկրի վերականգնման գործում և կլինեն սիրիական արդյունաբերության զարգացման առաջնագծում»։
Թարգմանությունը՝ Տաթև Ֆռանգյանի
