17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Իրանի ԱԳՆ-ն Ադրբեջանի դեսպանին բողոք է ներկայացրել
Քաղաքականություն
24.01.2025 | 16:12
Իրանի ԱԳ նախարարության Եվրասիական հարցերով գլխավոր վարչության ղեկավար, նախարարի օգնական Մուջթաբա Դեմիրչիլուն հանդիպել է Թեհրանում Ադրբեջանի դեսպան Ալի Ալիզադեի հետ։ Կողմերը քննարկել են երկկողմ հարաբերությունների ներկա վիճակը և տարբեր ոլորտներում զարգացման հեռանկարները, փոխանցում է IRNA գործակալությունը։
Անդրադառնալով երկու երկրների հարաբերություններում դրական տեղաշարժերին՝ Իրանի ԱԳՆ պաշտոնյան ընդգծել է, որ երկուստեք անհրաժեշտ է ջանքեր գործադրել պայմանավորվածությունների իրականացման և նրանց միջև հարաբերությունները պաշտպանելու համար։
Նա, միաժամանակ, մատնանշել է Ադրբեջանում որոշ շրջանակների կամ անձանց բացասական քայլերը (ներառյալ՝ վերջին գործողությունները մի շարք իրանցի ուսանողների նկատմամբ)՝ որպես երկու ժողովուրդների հարաբերություններին վնասող գործողություն։ Իրանցի պաշտոնյան կոչ է արել քայլեր ձեռնարկել նման բացասական գործողությունների և դրանց հեղինակների նկատմամբ։
Իրանի ԱԳՆ ղեկավարի օգնականը նաև ընդգծել է երկու երկրների ժողովուրդների մեջ հոգևորականների և կրոնական առաջնորդների բարձր կարգավիճակը՝ ընդգծելով անհարգալից վերաբերմունքի դրսևորման դեմ վճռական գործողությունների անհրաժեշտությունը։
Ադրբեջանի դեսպանը ափսոսանք է հայտնել որոշ տհաճ հայտարարությունների և գործողությունների համար և խոստացել այդ հարցը ներկայացնել իր երկրի իշխանությունների ուշադրությանը։
Թարգմանությունը՝ Էմմա Չոբանյանի
