14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Կոռուպցիայի հաղթահարումը Հայաստանին երաշխիք կտա, որ ԵՄ գործընկերները բիզնեսներ հիմնեն Հայաստանում. Սվիտալսկի
Քաղաքականություն
25.09.2018 | 12:21
Այն փոփոխությունները, որոնք տեղի են ունեցել Հայաստանում, Եվրամիության կողմից դիտարկվում են որպես հզոր առաջընթաց. այս մասին այսօր՝ սեպտեմբերի 25-ին, Երևանում հրավիրված ԵՄ-Հայաստան գործընկերության կոմիտեի առևտրի հարցերով առաջին նիստի ընթացքում ասաց Հայաստանում ԵՄ պատվիրակության ղեկավար, դեսպան Պյոտր Սվիտալսկին:
«ԵՄ-ն նկատում է, որ Հայաստանի նոր կառավարության համար կարևոր են նոր առաջնահերթությունները, որոնք լծակ են առևտրի ոլորտում նոր հարաբերություններ ստեղծելու համար: Դա ինքին հզոր լծակ է դառնում՝ առևտրի և ներդրման մեջ ավելի լավ հարաբերություններ զարգացնելու համար: Ես մասնավորապես խոսում են կոռուպցիայի դեմ պայքարի մասին: Կոռուպցիան ներդրողների համար ամեն տեղ է խնդիր : Դրա հաղթահարումը Հայաստանին երաշխիք կտա, որ Եվրամիության գործընկերները ավելի շահագրգռված լինեն ու բիզնեսներ հիմնեն Հայաստանում»,- ասաց Սվիտալսկին:
Երկրորդ կարևոր ուղղությունը, ըստ Սվիտալսկու, դատաիրավական համակարգի անկախության ապահովումն է: «Դա հզոր գործիք է և ներդրողին ապահովության զգացողություն է տալիս: Մենք կարծում ենք՝ այն առաջնահերթությունները, որոնք դրել է Հայաստանի նոր կառավարությունը, ներկայում բավարարում են ատևտրի և ներդրումների ոլորտում զարգացման շահերին: Ներկայիս կառավարությունը հրաշալի գիտի ինչ անել: Մենք կուզեինք այս երկրում ավելի շատ եվրոպական ներդրում տեսնել: Սակայն դա ամենևին չի նշանակում, որ փողի հոսքն է ավելանալու դեպի Հայաստան: Ոչ, փողը երկրորդ հարցն է: Եվրամիության ներդրումը բերում է գիտելիքներ, տեխնոլոգիա, կառավարման մշակույթ, ավելի լավ կամուրջների ստեղծում համաշխարհային զարգացման հետ»,- ասաց Սվիտալսկին:
