Մենք ցանկանում ենք տնտեսապես մոտ լինել ԵՄ-ին, բայց նաև՝ տարածաշրջանի երկրներին․ Փաշինյան․ ՏԵՍԱՆՅՈՒԹ

ՀՀ-ն ժողովրդավար երկիր է, այդ պատճառով ցանկանում է մոտ լինել ԵՄ-ին: Այս մասին Դավոսում պանելային քննարկման ժամանակ ասել է ՀՀ վարչապետ Նիկոլ Փաշինյանը։

«ԵՄ-ին անդամակցելու գործընթաց սկսելու մասին Հայաստանի կառավարության ընդունած օրինագիծն ի սկզբանե եղել է քաղհասարակության նախաձեռնությունը: Մեծ հավանականություն կա, որ խորհրդարանը կընդունի այն, ինչն իրավականորեն կնշանակի, որ մենք սկսում ենք ԵՄ-ին ավելի ու ավելի մոտենալու գործընթացը։ ԵՄ-ի հետ մեր հարաբերություններում, օրինակ, մենք վերջերս սկսեցինք բանակցություններ վիզաների ազատականացման համաձայնագրի շուրջ, որը երկար տարիներ եղել է մեր օրակարգի առանցքում։ Մինչ այժմ մենք չենք կարողացել սկսել այս բանակցությունները։ Հուսով եմ, որ կկարողանանք հաջողությամբ ավարտել այս գործընթացը, ներառյալ՝ Հայաստանի անդամակցությունը Խաղաղության եվրոպական մեխանիզմին»,- ասել է Փաշինյանը։

Նրա խոսքով՝ մյուս կարևոր ասպեկտը ՀՀ-ում Եվրոպական քաղաքացիական դիտորդական առաքելության ներկայությունն է, որը կարևոր դեր է խաղում:

«Բացի այդ, մենք ակտիվորեն իրականացնում ենք ԵՄ-ի հետ Համապարփակ և խորացված գործընկերության համաձայնագիրը և զգալիորեն զարգացնում ենք տնտեսական կապերը։ Իհարկե, մենք ձգտում ենք ամրապնդել մեր հարաբերությունները ԵՄ-ի հետ։ Մենք ցանկանում ենք տնտեսապես մետ լինել ԵՄ-ին, բայց նաև ցանկանում ենք տնտեսապես մոտ լինել նաև մեր տարածաշրջանային երկրների հետ »,- ասել է Փաշինյանը։

Նա նշել է, որ անկախացումից ի վեր երկիրը բախվել է տնտեսական մեկուսացման Թուրքիայի և Ադրբեջանի հետ սահմանների փակ լինելու պատճառով, ինչի հետևանքով ՀՀ-ն սահմանափակ հասանելիություն է ունեցել տարածաշրջանային ու համաշխարհային շուկաներին։

«Այնուամենայնիվ, մենք հավատարիմ ենք այս իրավիճակը փոխելու ոչ միայն մեր տարածաշրջանում, այլ նաև գլոբալ մակարդակով բարելավելու իրավիճակը առևտրային ուղիների և խաղաղության ապահովման համար։ Այս կապակցությամբ ներկայացրել ենք «Խաղաղության խաչմերուկ» նախագիծը, որն ուղղված է կապեր հաստատել Ադրբեջանի հետ, ինչպես նաև համագործակցություն հաստատել Թուրքիայի հետ։ Այս նախագծում են նաև Իրանը և Վրաստանը։ Սա նաև կարևոր ասպեկտ է Եվրամիության համար։ Այս նախագծերի իրականացումը կհանգեցնի Հայաստանի տարածքով նոր առևտրային ուղիների բացմանը, ինչից կշահի նաև Եվրամիությունը»,- ասել է Փաշինյանը։

Մանրամասները՝ տեսանյութում։

Տաթև Ֆռանգյան