10.08.2026 | 18:43
Մինչև 2 մլն դրամ աջակցություն․ ինչ նպաստներ կարող են ստանալ երեխա ունեցող ընտանիքները
Կրեմլը՝ Սիրիայի կողմից Տարտուս նավահանգստի կառավարման պայմանագիրը խզելու մասին
Քաղաքականություն
23.01.2025 | 16:30
ՌԴ նախագահի մամուլի խոսնակ Դմիտրի Պեսկովը Սիրիայի նոր ղեկավարության կողմից Տարտուսի նավահանգստի կառավարման վերաբերյալ Ռուսաստանի հետ համաձայնագիրը խզելու մասին հարցը վերահասցեագրել է երկրի ԱԳՆ-ին և ՊՆ-ին, գրում է ՌԻԱ Նովոստին։
«Այստեղ ես կվերահասցեագրեմ ձեր հարցը Պաշտպանության նախարարությանն ու Արտաքին գործերի նախարարությանը։ Կարող եմ միայն ասել, որ մենք շարունակում ենք շփումները Սիրիայի ղեկավարության հետ բոլոր ընթացիկ հարցերի շուրջ»,- ասել է Պեսկովը։
Հավելենք՝ սիրիական al-Watan թերթը հայտնել էր, որ Սիրիայի և ռուսական «Ստրոյտրանսգազ» ընկերության միջև Տարտուս նավահանգստի կառավարման մասին համաձայնագիրը չեղարկվել է երկրի նոր իշխանությունների կողմից։
Թարգմանությունը՝ Էմմա Չոբանյանի
