17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Պուտինը դեռևս չի ծրագրում Էրդողանի հետ քննարկել Սլովակիա գազի մատակարարման հարցը
Քաղաքականություն
23.01.2025 | 21:28
ՌԴ-ի և Թուրքիայի նախագահներ Վլադիմիր Պուտինի ու Ռեջեփ Թայիփ Էրդողանի միջև զրույց Սլովակիա բնական գազի մատակարարման վերաբերյալ դեռևս չի ծրագրվում, սակայն, անհրաժեշտության դեպքում, կարող է տեղի ունենալ։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, փոխանցում է Ինտերֆաքսը։
«Զրույց դեռևս չի ծրագրվում, սակայն Պուտինն ու Էրդողանը համաձայնեցնում են զրույցները բառացիորեն մի քանի ժամվա ընթացքում, ուստի անհրաժեշտության դեպքում այն կանցկացվի»,- ասել է Պեսկովը՝ պատասխանելով հարցին՝ արդյո՞ք Անկարան երկու նախագահների հեռախոսազրույցի խնդրանքով դիմել է։
Պեսկովին հարցրել են, թե Սլովակիան կկարողանա՞ ռուսական գազ ստանալ «Թուրքական հոսք»-ի միջոցով, ինչին Կրեմլի ներկայացուցիչը պատասխանել է․ «Սա ավելի շատ մեր գազ մատակարարողների համար է, Գազպրոմի համար է՝ տեխնոլոգիայի առումով»։
Էրդողանն ավելի վաղ հայտարարել էր, որ Սլովակիան հայտնվել է ծանր վիճակում, և երկիր գազի մատակարարումների հարցը կքննարկի անձամբ ՌԴ նախագահ Վլադիմիր Պուտինի հետ։
Թարգմանությունը՝ Էմմա Չոբանյանի
