20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
Ավագանու ընտրությունները փաստեցին, որ ԱԺ ներկայացված մեծամասնությունը չի ներկայացնում ՀՀ բնակչության մեծամասնությունը. Նիկոլայ Բաղդասարյան
Քաղաքականություն
25.09.2018 | 09:45
Փաստաբան, ՀՀ վարչապետի խորհրդական Նիկոլայ Բաղդասարյանը ֆեյսբուքյան իր էջում արված գրառմամբ՝ հղում անելով անելով ՀՀ Սահմանադրությանը, նշում է, որ Երևանի ավագանու ընտրությունների արդյունքները փաստեցին, որ ԱԺ ներկայացված մեծամասնությունը չի ներկայացնում ՀՀ բնակչության մեծամասնությունը:
ՀՀ Սահմանադրության 88-րդ հոդվածի 1-ին մասի համաձայն. «Ազգային ժողովը ժողովրդի ներկայացուցչական մարմինն է»։
«Ներկայացուցչական մարմինը» պետք է օժտված լինի մանդատով ներկայացնելու ժողովրդի շահերը։ Երևան քաղաքի ավագանու ընտրություններ «դե յուրե» ամրագրեցին արդեն «դե ֆակտո» գոյություն ունեցող այն փաստը, որ ՀՀ Սահմանդրության 88-րդ հոդվածի 1-ին մասը չի գործում, ՀՀ ԱԺ ներկայացված մեծամասնությունը չի ներկայացնում ՀՀ բնակչության մեծամասնությունը, քանի որ ՀՀ ԱԺ վերջին ընտրություններն իրականացվել են ՀՀ Սահմանադրության պահանջների կոպիտ խախտմամբ՝ ընտրակաշառքի, վարչական ռեսուրսների կիրառման միջոցով։ Ստեղծված իրավիճակում ՀՀ Սահմանադրության նորմերի վերականգման միակ ճանապարհը՝ ԱԺ լուծարումն է և նոր ընտրությունների անցկացումը։ Այն տրամադրությունները, որ մենք շարունակելու ենք ՀՀ Սահմանադրության նորմերի խախտմամբ աշխատել, իսկ ժողովուրդը ոչինչ չի կարողանալու անել, հակասում է ՀՀ Սահմանադրության 2-րդ հոդվածի 1-ին մասի պահանջներին, համաձայն որի իշխանությունը պատկանում է ժողովրդին։ Մի փորձարկեք ժողովրդի համբերությունը
