14.07.2026 | 17:22
Եվրախորհրդարանում Բաքվում պահվող հայ գերիների հետ կապված համաժողով է ընթանում
Ծախսերն ուռճացված են, ուղևորահոսքը՝ նվազեցված․ նկարած թվեր են․ Պիպոյանը՝ տրանսպորտի թանկացման մասին․ ՏԵՍԱՆՅՈՒԹ
Տնտեսություն
22.01.2025 | 12:49
Քաղաքապետարանի կողմից ծախսերն ուռճացված են, ուղեւորահոսքը նվազեցված, թվերն էլ նկարած են: Այս մասին ասուլիսում նշեց «Իրազեկ և պաշտպանված սպառող» ՀԿ նախագահ Բաբկեն Պիպոյանը՝ անդրադառնալով տրանսպորտի թանկացման որոշմանը։
«Վառելիքի ծախսը հաշվարկվում է, թե այն ժամանակ քանի կիլոմետր է շարժվել տրանսպորտը…Կառավարության որոշման պահանջի համաձայն՝ մեկ ամսվա ընթացքում մեկ ավտոտրանսպորտային միջոցի աշխատանքային օրերի քանակը կազմում է 25 օր, վերը նշված հաշվարկի համաձայն՝ մեկ ավտոբուսի վազքը մեկ ամսում կկազմի 5750 կմ: Այդ հաշվարկով դա վերածել ենք դիզելի ծախսի, դիզելի գինը հաշվարկել ենք այն ժամանակ 476,8 դրամ, խնդրեմ, նայեք փաստաթուղթը:
Դե հիմա 476,8 դրամի վրա կիրառեք 25 տոկոս գնաճը, որ կար միջինացված, կիրառենք՝ կստանանք 598-600 դրամ: Հիմա ես քաղաքային իշխանություններին ասում եմ՝ դե դուրս եկեք փողոց, մի հատ տեսեք 600 դրամով դիզել կա՞, քաղաքային իշխանություններ, ուզո՞ւմ եք 470 դրամով դիզել բերեմ՝ էս գրածից էժան»,-նշեց Պիպոյանը։
Մանրամասները՝ տեսանյութում։
