14.05.2025 | 14:00
Որոնումները շարունակելու ենք մինչև Տիգրանին գտնելը, ջրում դեռ որևէ իր չի հայտնաբերվել․ ՏԵՍԱՆՅՈՒԹ
Մենք կչեղարկենք էլեկտրական մեքենաների արտոնությունները` փրկելով մեր ավտոարդյունաբերությունը․ Թրամփ
Քաղաքականություն
21.01.2025 | 14:53
«Ազգային միասնությունը վերադառնում է Ամերիկա: Իմ վարչակազմը ոգեշնչված է անզիջում հաջողության հասնելու ուժեղ ձգտմամբ: Մենք չենք մոռանա մեր երկիրը, մենք չենք մոռանա մեր Սահմանադրությունը և չենք մոռանա մեր Աստծուն»,- երեկ՝ հունվարի 20-ին, իր երդմնակալության արարողության ժամանակ հայտարարել է ԱՄՆ 47-րդ նախագահ Դոնալդ Թրամփը:
«Ամերիկան դարձյալ կլինի արդյունաբերող երկիր, իսկ դրա համար մենք ունենք այն, ինչը երբեք չի ունենա որևէ այլ արդյունաբերող երկիր. Երկիր մոլորակի վրա եղած նավթի ու գազի ամենամեծ պաշարը , և մենք պատրաստվում ենք օգտագործել այն: Մենք կիջեցնենք գները, կլրացնենք մեր ռազմավարական պաշարներն ու կարտահանենք աշխարհով մեկ։
Մենք նորից հարուստ ազգ ենք լինելու, և մեր ոտքերի տակ գտնվող «հեղուկ ոսկին» կօգնի դա անել»,- ասել է Թրամփը։
ԱՄՆ նորընտիր նախագահը հայտարարել է, որ կդադարեցնի Բայդենի կողմից սահմանված էլեկտրական մեքենաների արտադրությունը ու վաճառքը խթանելու քաղաքականությունը, միաժամանակ վերանայելով ԱՄՆ առևտրային քաղաքականությունը՝ նոր մաքսատուրքեր սահմանելով հիմնական առևտրային գործընկերների նկատմամբ՝ ներառյալ Կանադայի, Մեքսիկայի և Չինաստանի։
«Մենք վերջ կդնենք «Կանաչ» գործարքին և կչեղարկենք էլեկտրական մեքենաների մանդատը` փրկելով մեր ավտոարդյունաբերությունը: Այլ կերպ ասած, դուք կկարողանաք գնել ձեր նախընտրած մեքենան: Մենք Ամերիկայում նորից մեքենաներ կարտադրենք այնպիսի արագությամբ, որը ոչ ոք չէր կարող երազել ընդամենը մի քանի տարի առաջ։
Ես անմիջապես կսկսեմ մեր առևտրային համակարգի հիմնանորոգումը` պաշտպանելու ամերիկացի աշխատողներին և ընտանիքներին: Այլ երկրները հարստացնելու համար մեր քաղաքացիներին հարկելու փոխարեն, մենք մաքսատուրքեր կսահմանենք և կհարկենք օտար երկրներին՝ մեր քաղաքացիներին հարստացնելու համար»։
Թարգմանությունը՝ Անահիտ Խաչատրյանի
