09.09.2026 | 12:16
«Արգելում եմ իմ հոր անունը տալ», «Արցախցիների տեղահանման ժամանակ Դուբայում հանգստանում էիք»․ ՏԵՍԱՆՅՈւԹ
Հատուկ ուշադրություն է դարձվելու Հայաստանի և Ադրբեջանի միջև հավասարակշռված կարգավորմանը. ՌԴ ԱԳՆ-ն` Միրզոյան-Լավրով հանդիպման մասին
20.01.2025 | 19:53
Հունվարի 21-ին Մոսկվայում կայանալիք ՀՀ ԱԳ նախարար Արարատ Միրզոյանի ու ՌԴ ԱԳ նախարար Սերգեյ Լավրովի հանդիպմանն անդրադարձել է Ռուսաստանի արտաքին քաղաքական գերատեսչությունը, փոխանցում է ՏԱՍՍ-ը։
«Արտաքին քաղաքական գերատեսչությունների ղեկավարները մտքերի հանգամանալից փոխանակում կանցկացնեն ռուս-հայկական հարաբերությունների ողջ շրջանակի, ԵՏՄ-ի և եվրասիական տարածքում ինտեգրացիոն այլ ասոցիացիաների շրջանակներում համագործակցության և համաշխարհային օրակարգի արդի հարցերի շուրջ»,- ասված է հաղորդագրությունում։
Նշվում է, որ հատուկ ուշադրություն է դարձվելու Հարավային Կովկասում իրադրությանը`շեշտը դնելով Հայաստանի և Ադրբեջանի միջև հարաբերությունների հավասարակշռված կարգավորման վրա:
«Ակնկալում ենք, որ առաջիկա հանդիպումը կանցնի կառուցողական ձևով, կօգնի համագործակցության գործնական խնդիրների առաջխաղացմանը և կնպաստի Անդրկովկասում անվտանգության և կայունության ամրապնդմանը», – նշված է ՌԴ ԱԳՆ-ի հաղորդագրության մեջ։
Թարգմանությունը` Էմմա Չոբանյանի
