25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Հալեպում Թուրքիայի հյուպատոսությունը 13 տարվա դադարից հետո վերսկսել է աշխատանքը
Քաղաքականություն
20.01.2025 | 15:11
Սիրիայի մեծությամբ երկրորդ քաղաքում՝ Հալեպում, Թուրքիայի գլխավոր հյուպատոսությունը վերսկսել է աշխատանքը:
TRT Haber-ի հաղորդմամբ՝Հալեպում Թուրքիայի գլխավոր հյուպատոսության մոտ 13 տարի անց բարձրացվել է թուրքական դրոշը։ Հյուպատոսությունը դադարեցրել էր աշխատանքը 2012 թվականի հուլիսին՝ Սիրիայում քաղաքացիական պատերազմի պատճառով։
Մինչ այդ Թուրքիան վերականգնել էր Դամասկոսում դիվանագիտական ներկայությունը։ Սիրիայում Թուրքիայի դեսպան Բուրհան Քյորօղլուն, որը դեկտեմբերի 12-ին նշանակվել է Դամասկոսի գործերի ժամանակավոր հավատարմատար, լավատեսություն է հայտնել երկու ժողովուրդների միջև հարաբերությունների վերաբերյալ։
«Հուսանք, որ առաջիկա ժամանակահատվածում Սիրիայի և Թուրքիայի հարաբերությունները շատ ավելի կզարգանան։ Մեր եղբայրությունը, որը գոյատևել է ավելի քան հազար տարի, կզարգանա և էլ ավելի կամրապնդվի: Որպես Թուրքիա՝ մենք կաջակցենք Սիրիայի վերաբացմանն աշխարհի առաջ և սիրիացի ժողովրդին՝ վերականգնելու իրենց արժանի բարգավաճումը, խաղաղությունն ու հանգստությունը։ Կարելի է ասել, որ մենք սկսել ենք շատ շահավետ և բեղմնավոր գործընթաց երկու կողմերի համար»,-ասել է Քյորօղլուն։
Թարգմանությունը՝ Էմմա Չոբանյանի
