30.04.2026 | 10:10
Դրամն արժևորվել է․ արտարժույթների փոխարժեքները՝ ապրիլի 30-ի դրությամբ
Հայաստանից ակնկալում ենք գործնական քայլեր Սահմանադրությունը փոխելու ուղղությամբ․Բայրամով
Քաղաքականություն
20.01.2025 | 14:46
Ներկայում Ադրբեջանի և Հայաստանի արտգործնախարարների հաջորդ հանդիպման ժամանակի և վայրի վերաբերյալ պայմանավորվածություն չկա, այս մասին ադրբեջանական լրատվամիջոցների հետ զրույցում հայտարարել է Ադրբեջանի ԱԳ նախարար Ջեյհուն Բայրամովը։
«Խաղաղության պայմանագրի հետ կապված գործընթացը կշարունակվի 2025 թվականին։ Մենք լուրջ գործնական քայլեր ենք ակնկալում Հայաստանից»,- ասել է նա։
Նա նշել է, որ խաղաղության համաձայնագրի երկու հոդվածների վերաբերյալ վերջնական համաձայնություն ձեռք չի բերվել.
«Ադրբեջանական հասարակությունը գիտի, որ բացի խաղաղության պայմանագրի տեքստից, կա ևս մեկ լուրջ և բաց խնդիր։ Հայաստանի Սահմանադրությունում և իրավական փաստաթղթերում դեռևս կան պահանջներ ադրբեջանական հողերի նկատմամբ: Սա պետք է լուծվի։ Մենք Հայաստանից ակնկալում ենք լուրջ գործնական քայլեր այս ուղղությամբ: Մենք լսում ենք հայտարարություններ, խաղաղության ուղերձներ, բայց իրական գործողությունների ակնհայտ բացակայություն ենք տեսնում։ Հայաստանի հետ շուրջ չորս տարի շարունակվող բանակցությունները ոչ մի արդյունք չեն տվել, ուստի՝ Արաքս գետի վրայով Իրանի տարածքով կամրջի կառուցումը շարունակվում է։ Դրա համար օրակարգում է նաև «Զանգեզուրի միջանցքի» հարցը»,- հայտարարել է Բայրամովը։
Թարգմանությունը ՝Էմմա Չոբանյանի
