04.04.2026 | 20:03
ՃՏՊ՝ հրդեհի բռնկմամբ
Կոբախիձեն հայտարարել է, որ Ադրբեջանը ոչ միայն լավ ընկեր, այլև շատ կարևոր ռազմավարական գործընկեր է Վրաստանի համար
Քաղաքականություն
17.01.2025 | 17:34
Ադրբեջանը Վրաստանի համար շատ կարևոր ռազմավարակա գործընկեր է։ Այս մասին հայտարարել է Վրաստանի վարչապետ Իրակլի Կոբախիձեն Ադրբեջանի նախագահ Իլհամ Ալիևի հետ Բաքվում հանդիպման արդյունքներով մամուլի համար համատեղ հայտարարությունների ժամանակ, փոխանցում է վրացական «Առաջին ալիքը»։
«Մեզ համար Ադրբեջանը ոչ միայն լավ ընկեր է, այլև շատ կարևոր ռազմավարական գործընկեր։ Մեզ համար առաջնահերթություն է այս ռազմավարական գործընկերության հետագա խորացումը»,- ասել է Կոբախիձեն։
Նա նշել է, որ շատ հետաքրքիր երկկողմ հանդիպում է ունեցել Ադրբեջանի նախագահի հետ, քննարկել են ինչպես երկկողմ համագործակցությունը, այնպես էլ տարածաշրջանում առկա քաղաքական գործընթացները։
«Իհարկե, այս քաղաքական գործընթացներն ազդում են մեր երկրների քաղաքական դիրքորոշումների վրա, և այս համատեքստում կարևոր է համատեղ դիմակայել ցանկացած մարտահրավերի։ Հենց սա է քննարկվել մեր երկկողմ հանդիպման ժամանակ։ Հարավային Կովկասում խաղաղությունն ու կայունությունն առանձնահատուկ նշանակություն ունեն։ Մենք ևս մեկ անգամ հաստատում ենք մեր պատրաստակամությունը՝ առավելագույն ներդրում ունենալ տարածաշրջանում խաղաղության և անվտանգության ապահովման գործում՝ այնքանով, որքանով դա մեր ուժերի սահմաններում է»,- նշել է Վրաստանի վարչապետը։
Թարգմանությունը՝ Էմմա Չոբանյանի
