Քաղաքականություն
17.01.2025 | 16:35
Թուրքիայի ԱԳ նախարար հունվարի 18-ին Ադրբեջան կմեկնի։ Թուրքական աղբյուրների հաղորդմամբ՝ նա հանդիպելու է Ադրբեջանի արտգործնախարար Ջեյհուն Բայրամովի հետ։
Նախատեսվում է քննարկել երկու երկրների քաղաքական, ռազմական, տնտեսական, առևտրային, տրանսպորտային և էներգետիկ ոլորտում հարաբերությունները։ Ի հավելումն այն քայլերի, որոնք կարող են ձեռնարկվել 15 միլիարդ դոլարի առևտրի ծավալի իրագործման համար, նախատեսվում է նաև քննարկել համագործակցությունը զարգացնելու ջանքերն այնպիսի ոլորտներում, ինչպիսիք են մշակույթը, զբոսաշրջությունը, առողջապահությունը, կրթությունը և գյուղատնտեսությունը։
Հաղորդվում է, որ Ֆիդանը Բայրամովի հետ մտքեր է փոխանակելու տարածաշրջանային և գլոբալ հարցերի շուրջ, ինչպիսիք են Ադրբեջան-Հայաստան խաղաղության գործընթացը, Սիրիայում, Գազայում և Ուկրաինայում զարգացումները։ Այցի շրջանակում Ֆիդանին ընդունելու է նաև Ադրբեջանի նախագահ Իլհամ Ալիևը։
Թարգմանությունը՝ Էմմա Չոբանյանի
