10.01.2025 | 17:43
Դեսպան Աֆյանը կարճատև զրույց է ունեցել Հնդկաստանի պաշտպանության նախարարի հետ
Կարևոր ենք համարում վարչապետ Փաշինյանի դրական ուղերձները․ Հաքան Ֆիդան
Քաղաքականություն
10.01.2025 | 14:21
Մենք ցանկանում ենք, որ Հայաստանն ու Ադրբեջանը խաղաղության համաձայնագիր ստորագրեն։ Այս մասին հայտարարել է Թուրքիայի ԱԳ նախարար Հաքան Ֆիդանը տեղական ու միջազգային ԶԼՄ-ների հետ զրույցում։
«Ղարաբաղի օկուպացիայի ավարտից հետո պատմական հնարավորությունների պատուհան է բացվել տարածաշրջանում հաշտեցման, խաղաղության, կայունության և բարգավաճման համար: Այս գործընթացում մենք ուս ուսի քայլում ենք Ադրբեջանի հետ»,- ասել է Ֆիդանը։
Նա հավելել է, որ հավատում է՝ Հայաստանը գործելու է երկարաժամկետ ռազմավարական հեռանկարով։
«Այս ուղղությամբ կարևոր ենք համարում վարչապետ Փաշինյանի դրական ուղերձները։ Նա դիրքորոշում է արտահայտում խաղաղության օգտին և նպաստում է այս գործընթացում դրական առաջընթացին։ Մենք շարունակում ենք աջակցել կողմերի միջև երկկողմ բանակցություններին՝ առանց միջնորդների։ Խաղաղության հաստատումն իր հետ կբերի նոր հնարավորություններ, որոնք նմանը չունեն մեր տարածաշրջանի զարգացման գործում»,- հայտարարել է Թուրքիայի ԱԳ նախարարը։
Թարգմանությունը՝ Էմմա Չոբանյանի
