Նախնական տվյալներով վերահսկողական գործառույթների իրականացման արդյունքում արձանագրվել է պետությանը և շրջակա միջավայրին պատճառված 8 մլրդ 800 մլն դրամի չափով վնաս։ «Սա նախորդ տարվա համեմատ ավելացել է մոտ 3 մլրդ դրամով»,- այսօր հրավիրված ասուլիսի ժամանակ հայտարարեց Բնապահպանության և ընդերքի տեսչական մարմնի ղեկավար Հովհաննես Մարտիրոսյանը։
Ջրային ռեսուրսների ոլորտում վնասի չափը կազմել է 1 մլրդ 300 մլն դրամ, ընդերքօգտագործման ոլորտում՝ 1 մլրդ 691 մլն դրամ, բուսական և կենդանական աշխարհին հասցվել է 1 մլրդ 132 մլն դրամի վնաս։ Հողերի օգտագործման և պահպանության ոլորտում արձանագրվել է 2 մլրդ 300 մլն դրամի չափով վնաս, իսկ մթնոլորտային օդի պահպանության ոլորտում՝ 2 մլրդ 360 մլն դրամ։
Տեսչական մարմնի ղեկավարի խոսքով՝ 2024 թվականին արձանագրված տուգանքներից պետական բյուջե է մուտքագրվել 242 մլն դրամ։
Մանրամասները՝ տեսանյութում։
