25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Հունգարիան սպառնում է արգելափակել ԵՄ-ին Ուկրաինայի անդամակցությունը՝ գազի տարանցման դադարեցման պատճառով
Քաղաքականություն
09.01.2025 | 14:49
Հունգարիայի արտաքին գործերի նախարար Պետեր Սիյարտոն ֆեյսբուքյան իր էջում հայտարարել է Եվրամիությանն Ուկրաինայի անդամակցությունն արգելափակելու հնարավորության մասին, փոխանցում է Korrepondent-ը։
Նա պնդում է, որ դա պատասխան կլինի Ուկրաինայի Գերագույն Ռադայում թիվ 12380 օրինագծի գրանցմանը, որը նախատեսում է ռազմական դրության պայմաններում Ուկրաինայի տարածքով ռուսական նավթի և գազի տարանցման արգելք։
Հունգարացի պաշտոնյան շտապել է հիշեցնել, որ ԵՄ-ում նոր անդամներ ընդունելու վերաբերյալ որոշումներն ընդունվում են բոլոր անդամ երկրների կողմից հավաքականորեն և միաձայն։ Նրա խոսքով՝ յուրաքանչյուր պետություն ինքնիշխան իրավունք ունի՝ ընտրելու իր գործունեության համար անհրաժեշտ էներգիայի մատակարարման աղբյուրներն ու ուղիները, և այդ հարցում արտաքին ազդեցությունն անընդունելի է։
Թարգմանությունը՝ Տաթև Ֆռանգյանի
