21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Կարեն Գիլոյանն ազատվել է փոխնախարարի պաշտոնից․ նա աշխատելու է Համաշխարհային հակադոպինգային գործակալությունում
08.01.2025 | 13:28
Կարեն Գիլոյանն ազատվել է կրթության, գիտության, մշակույթի և սպորտի նախարարի տեղակալի պաշտոնից։
«Ղեկավարվելով «Հանրային ծառայության մասին» օրենքի 9-րդ հոդվածի 1-ին մասով՝ Կարեն Գիլոյանին ազատել կրթության, գիտության, մշակույթի և սպորտի նախարարի տեղակալի պաշտոնից»,- ասված է ՀՀ վարչապետ Նիկոլ Փաշինյանի որոշման մեջ։
Հիշեցնենք՝ ավելի վաղ Գիլոյանը հայտնել էր, որ ընտրվել է Համաշխարհային հակադոպինգային գործակալության հիմնադրամի խորհրդի (WADA) անդամ և հունվարի 1-ից պետք է անցնի պարտականությունների կատարմանը։
«Արմենպրես»-ի հետ զրույցում Գիլոյանն այսօր ասել է․
«WADA-ում աշխատանքիս զուգահեռ` ներգրավված եմ լինելու նաև Հայաստանում կայանալիք միջազգային բազմաթիվ մրցաշարերի կազմակերպման աշխատանքներում: Մասնավոր սեկտորում փորձելու եմ մրցումային և մարզումային լուրջ ենթակառուցվածքներ ստեղծել, որը կբերի ակումբային սպորտի զարգացմանը: Չեմ հեռանում Հայաստանից, չեմ հեռանում սպորտից»:
Կարեն Գիլոյանը ՀՀ ԿԳՄՍ նախարարի տեղակալի պաշտոնը զբաղեցնում էր 2020 թվականի դեկտեմբերից:
