29.04.2026 | 10:12
Հայտնի է Արման Ծառուկյանի հաջորդ մրցակիցը RAF-ում
Չկա այն գաղջ մթնոլորտը, որ կար նախկինում. Արտակ Զեյնալյան. ՏԵՍԱՆՅՈՒԹ
Քաղաքականություն
23.09.2018 | 12:11
Չկա այն մթնոլորտը, որը տիրում էր նախորդ ընտրության ժամանակ՝ ընտրակաշառքի, վարչական ռեսուրսի կիրառմամբ։ Այս մասին այսօր Երևանի ավագանու ընտրություններին մասնակցելուց հետո լրագրողների հետ զրույցում ասաց «Լույս» դաշինքի քաղաքապետի թեկնածու Արտակ Զեյնալյանը։
Անդրադառնալով հարցին՝ արդյոք արձանագրվել են ընտրախախտումներ՝ Արտակ Զեյնալյանն ասաց, որ ընտրախախտումների վերաբերյալ ամբողջական ամփոփ տեղեկատվություն կներկայացնեն ընտրությունների ավարտից հետո։
«Լույս» դաշինքի քաղաքապետի թեկնածուն վստահություն հայտնեց, որ հավատում է, որ ՀՀ-ում որևէ մեկին թշնամի չեն դիտարկում, քաղաքական տարբեր դիրքորոշումներ պետք է լինեն, ինչը, սակայն, թշնամանքի չպետք է վերածվի, և այս համատեքստում էլ անցկացրել են իրենց քարոզարշավը։
Հարցին՝ արդյոք կշնորհավորի քաղաքապետ ընտրված այլ թեկնածուի, Արտակ Զեյնալյսնն ասաց, որ դրան կանդրադառնա ընտրությունների ավարտից հետո։
Մանրամասները՝ տեսանյութում։
