15.07.2026 | 10:55
ԵԽ Միջազգային առևտրի հանձնաժողովն արագացնում է հայկական ապրանքների մուտքը ԵՄ շուկա
Ալիևի զարմուհին Հունաստանում թմրանյութերով խնջույքի կազմակերպման համար կկանգնի դատարանի առաջ
Քաղաքականություն
03.01.2025 | 18:06
Հունաստանում վիլլայում խնջույք կազմակերպած Ադրբեջանի նախագահ Իլհամ Ալիևի զարմուհուն ուրբաթ նոր ժամանակ է տրվել՝ ներողություն խնդրելու համար։ Այս մասին գրում է հունական մամուլը, որին վկայակոչում է Meydan TV-ն։
Նշենք, որ խոսքն Իլհամ Ալիևի հորեղբայր Ջալալ Ալիևի դստեր՝ Իզզաթ Խանիմ Ջավադովայի մասին է (նաև ներկայանում է որպես DJ Միքայելա Ջավ)։
Նրա փաստաբան Ստատիս Միցոկալիսն ասել է, որ իր պաշտպանյալը վիլլա է գնացել պարզապես զվարճանալու համար։
«Այն բանից հետո, երբ ոստիկանությունը միջամտել և առգրավել է այնտեղ հայտնաբերված թմրանյութերը, անարդար է խնջույքին եկած կնոջը քաշքշել որպես թմրանյութ մատակարարողի։ Նա եկել էր խնջույքի պարզապես զվարճանալու համար»,-ասել է փաստաբանը։
Ջավադովայի հետ ձերբակալված 4 մեղադրյալները, որոնց մեղադրանք է առաջադրվել ծանր հանցագործությունների, այդ թվում՝ թմրամիջոցների ապօրինի շրջանառության համար, կկանգնեն դատարանի առջև։
Լրատվամիջոցները, հղում անելով գործի նյութերից ձեռք բերված տեղեկություններին, հայտնում են, որ մեղադրյալներից շատերն ասել են, որ ոստիկանների միջամտության ժամանակ իրենց մոտ հայտնաբերված թմրամիջոցներն անձնական օգտագործման համար են։ Տանտերն էլ ասել է, որ բնակարանը վարձակալել են Ջավադովան և նրա ամուսինը։
Նշենք, որ ավելի վաղ բրիտանական դատարանը Ջավադովայից 4 մլն ֆունտ էր բռնագանձել՝ «ադրբեջանական լվացքատան» միջոցով փողերի լվացման համար։
Թարգմանությունը՝ Էմմա Չոբանյանի
