25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Սևաստոպոլը ենթարկվել է ուկրաինական ծովային և օդային ԱԹՍ-ների հարձակման
Քաղաքականություն
31.12.2024 | 13:33
Ռուսաստանի իշխանությունների կողմից նշանակված Սևաստոպոլի նահանգապետ Միխայիլ Ռազվոժաևը հայտարարել է, որ ռուսական հակաօդային պաշտպանության համակարգերը «որսացել և ոչնչացրել են» ուկրաինական երկու անօդաչու թռչող սարքեր Սև ծովի վրա, փոխանցում է BBC-ի ռուսական ծառայությունը։ Ռազվոժաևի խոսքով՝ դրանով է բացատրվում քաղաքում լսվող պայթյունների բարձր ձայները։
Ռազվոժաևը պնդում է, որ անօդաչուները «խոցվել են ծովի վրա և մեծ բարձրության վրա»։
Մոսկվայի կողմից նշանակված նահանգապետն ավելի ուշ հայտնել է, որ ռուս զինվորականները նաև «ետ են մղել վերգետնյա անօդաչու թռչող սարքերով հարձակման փորձը»։ Նա գրել է, որ, նախնական տվյալներով, ոչնչացվել է նման մեկ սարք։
Նախկինում Ուկրաինան բազմիցս օգտագործել է ծովային կամիկաձե անօդաչու թռչող սարքեր՝ Սև ծովում ռուսական ռազմական նավերի վրա հարձակվելու համար:
Թարգմանությունը՝ Տաթև Ֆռանգյանի
