08.10.2026 | 17:01
Վարդաձորում 2-րդ դասարանցու նկատմամբ բռնության դեպքով Տեսչական մարմնի կողմից նախաձեռնվել է վարչական վարույթ
Թբիլիսին ավելի է ամրապնդում հարաբերությունները Հայաստանի, Ադրբեջանի և Թուրքիայի հետ․ Վրաստանի նորընտիր նախագահ
30.12.2024 | 17:13
Վրաստանն ամրապնդում է հարաբերությունները իր հարևանների՝ Հայաստանի, Ադրբեջանի, Թուրքիայի հետ։ Այս մասին հայտարարել է Վրաստանի նորընտիր նախագահ Միխայիլ Ղավելաշվիլին՝ ելույթ ունենալով «Դեսպաններ 2024» համաժողովում, գրում է վրացական Առաջին ալիքը։
«Վրաստանը, որպես խաղաղության և կայունության ապահովմամբ շահագրգիռ կողմ, ավելի է ամրապնդում հարաբերությունները հարևան երկրների՝ Ադրբեջանի, Հայաստանի և Թուրքիայի հետ՝ աջակցելով Հարավային Կովկասում երկարաժամկետ խաղաղությանը։ Ինչպես գիտեք՝ մենք այդ ուղղությամբ նշանակալի ջանքեր ենք գործադրում»,- հայտարարել է նա։
Ղավելաշվիլին նշել է նաև, որ ԱՄՆ-ի հետ հարաբերություններում առաջնահերթությունը նույնքան մշտական և հաստատուն է։
«Մենք ակնկալում ենք, որ նոր վարչակազմի օրոք բոլոր թյուրիմացությունները կվերացվեն, և երկու երկրների միջև ռազմավարական գործընկերության խարտիայում սահմանված առաջնահերթությունները պատշաճ կերպով կարտացոլվեն մեր համագործակցության բոլոր ոլորտներում»,- ասել է նա։
Թարգմանությունը՝ Էմմա Չոբանյանի
