26.06.2026 | 02:03
ԱԱ-2026. Գերմանիան անակնկալ պարտություն կրեց, Կոտ դ’Իվուարը հաղթեց. ՏԵՍԱՆՅՈՒԹ
Հայաստանում սուր շնչառական վարակներով և թոքաբորբով հոսպիտալացումներն աճել են
28.12.2024 | 11:58
Հայաստանի Հանրապետությունում նկատվում է սուր շնչառական վարակների, մասնավորապես ՍՇՎ-ով և թոքաբորբով հոսպիտալացումների, շտապ օգնության կանչերի շրջանում աճ․ տեղեկացնում են Հիվանդությունների վերահսկման և կանխարգելման ազգային կենտրոնից։
Համաձայն լաբորատոր հետազոտությունների արդյունքների Հանրապետությունում շարունակվում է գրիպի Ա տեսակի H1pdm09 ենթատեսակի շրջանառությունը:
Ամանօրյա տոնական օրերին ստեղծվում են նպաստավոր պայմաններ, հատկապես մարդաշատ վայրերում ՍՇՎ-ների, գրիպի տարածման համար, քանի որ վարակը տարածվում է օդակաթիլային ճանապարհով։
Առողջապահությոն նախարարություն ԿՐԿԻՆ հորդորում է
-խուսափե´ք սուր շնչառական վարակին բնորոշ ախտանշաններով հիվանդների հետ շփումից
-եթե հիվանդ եք՝ մնացե´ք տանը
-արդաշատ վայրերում գտնվելիս կրեք դիմակ
-եթե հիվանդ եք, հրավիրեք տեղամասային մանկաբույժին, թերապևտին կամ ընտանեկան բժշկին և մի’ զբաղվեք ինքնաբուժմամբ
-մի´ օգտագործեք հակաբիոտիկներ, քանի որ դրանք ցուցված չեն գրիպի բուժման համար
-հագնվե´ք եղանակին համանունչ,
-պահպանե´ք հազի և փռշտալու վարվելակարգը,
-օգտագործե´ք հնարավորինս շատ հեղուկներ
-հաճախակի օդափոխե´ք փակ տարածքները
-հետևե´ք անձնական հիգիենային:
