30.04.2026 | 10:10
Դրամն արժևորվել է․ արտարժույթների փոխարժեքները՝ ապրիլի 30-ի դրությամբ
Թուրքիան ինտեգրել է ռուսական C-400-ը երկրի ազգային ՀՕՊ համակարգին
Քաղաքականություն
27.12.2024 | 22:59
Թուրքական պետական պաշտպանական կապալառու ASELSAN-ը Ռուսաստանի կողմից մշակված C-400 հեռահար հակաօդային պաշտպանության (ՀՕՊ) համակարգն ինտեգրել է տեղական HAKİM 100 օդային հրամանատարության և կառավարման համակարգին՝ նշանավորելով մեծ առաջընթաց երկրի հակաօդային պաշտպանության կարողությունների զարգացման գործում, գրում է Turkish Minute-ը։
C-400 համակարգը գտնվում է նույն էշելոնում, ինչ հայրենական SİPER հեռահար ՀՕՊ համակարգը ցամաքային հակաօդային պաշտպանության ՀՕՊ-ում։
HAKİM 100-ի մասին տեղեկատվական թերթիկը ցույց է տալիս ՆԱՏՕ-ի ինքնաթիռների, նավերի և հակաօդային պաշտպանության համակարգերի, ներառյալ՝ C-400 հեռահար հակաօդային պաշտպանության համակարգի հետ օգտագործվող ռադարները և տվյալների կապերը միացնող համակարգը: Ինտեգրումը բազմաշերտ և միասնական պաշտպանական ցանցի մաս է տարբեր տեսակի սպառնալիքների դեմ:
Ամբողջությամբ մշակված ներքին ռեսուրսներով HAKIM 100-ը ինտեգրում է իրական ժամանակի տվյալները բազմաթիվ սենսորներից օդային համապարփակ պատկերի մեջ՝ ուժեղացնելով հրամանատարների իրավիճակի իրազեկությունը: Համատեղելի լինելով ՆԱՏՕ-ի և միջազգային ստանդարտների հետ՝ համակարգն աջակցում է ցածր, միջին և մեծ հեռահարության պաշտպանական հարթակներին:
ASELSAN-ը նշում է, որ նախատեսում է ինտեգրել արհեստական բանականությունը և մեքենայական ուսուցումը ապագա տարբերակներում՝ զարգացող պաշտպանական տեխնոլոգիաներին համընթաց պահելու համար:
C-400-ն ավելացնելով տեղական համակարգերին, ինչպիսին է SIPER-ը, Թուրքիան ընդգծում է իր պաշտպանական կառուցվածքում արտաքին և ներքին տեխնոլոգիաները հավասարակշռելու իր ռազմավարությունը:
Թարգմանությունը՝ Էմմա Չոբանյանի
