10.08.2026 | 19:54
Կոլումբիայում 7.4 մագնիտուդով հզոր երկրաշարժ է տեղի ունեցել․ զոհերի թիվը հասել է 20-ի
FlyDubai-ը չեղարկել է Սոչիից և Մինվոդիից դեպի Դուբայ թռիչքները
Քաղաքականություն
27.12.2024 | 22:14
FlyDubai-ը չեղարկել է Սոչիից և Միներալնիե Վոդիից դեպի Դուբայ թռիչքները դեկտեմբերի 28-ից հունվարի 5-ն ընկած ժամանակահատվածում, իսկ ռուս տուրօպերատորները փորձում են նվազագույնի հասցնել զբոսաշրջիկների վրա բացասական ազդեցությունը, նաև տարբերակներ փնտրում ԱՄԷ-ի այս հայտնի հանգստավայր հասնելու համար, հայտնում է Ռուսաստանի տուրօպերատորների ասոցիացիան (ATOR), փոխանցում է ՌԻԱ Նովոստին:
«FlyDubai-ը, պատճառաբանելով ֆորսմաժորը, ժամանակավորապես չեղարկել է Սոչիից և Միներալնիե Վոդիից դեպի Դուբայ թռիչքները 28.12.2024-ից մինչև 05.01.2025-ը։ АТОР-ի տվյալներով՝ իրավիճակն ազդում է ավելի քան 2 հազար ուղևորի վրա, որոնց 90%-ը տուրօպերատորների հաճախորդներ են։ Այս պահին տուրօպերատորներն աշխատում են Սոչիից և Միներալնիե Վոդիից flydubai-ի չվերթների չեղարկման խնդիրն արագորեն լուծելու ուղղությամբ»,- ասվում է հաղորդագրության մեջ։
Նշվում է, որ տուրօպերատորները բանակցություններ են վարում FlyDubai-ի հետ՝ «փնտրելով տրանսֆերների և մեկնումների տարբերակներ, և զբոսաշրջիկների հետ հարցը կլուծեն անհատական հիմունքներով՝ իրենց տուրիստական գործակալների միջոցով»։
Թարգմանությունը՝ Տաթև Ֆռանգյանի
