08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Քաղաքական պատվեր է․ Մոսկվան հերքում է Բաքվի և Աստանայի հետ ավիաաղետի վարկածների մշակման մասին լուրերը
Քաղաքականություն
27.12.2024 | 21:59
ՌԴ-ն չի բանակցել Ադրբեջանի և Ղազախստանի ԱԳՆ ներկայացուցիչների հետ Ակտաուի մերձակայքում տեղի ունեցած ավիաաղետի վարկածների մշակման շուրջ, այս ապատեղեկատվության հետևում քաղաքական պատվեր կա։ Այս մասին ասվում է ՌԴ ԱԳՆ հայտարարության մեջ, փոխանցում է ՏԱՍՍ-ը։
«ՆԱՏՕ-ի երկրներում տեղակայված օտարերկրյա գործակալների դրդմամբ համացանցում կեղծ տեղեկություն է տարածվում, թե ՌԴ ԱԳՆ կենտրոնական գրասենյակի որոշ բարձրաստիճան աշխատակիցներ, իբր, բանակցել են Ադրբեջանի և Ղազախստանի ԱԳՆ ներկայացուցիչների հետ՝ 2024 թվականի դեկտեմբերի 25-ին Ակտաու քաղաքում տեղի ունեցած ավիավթարի վարկածները մշակելու համար։ Այդ առումով որևէ բանակցություն նշյալ երկրների արտաքին քաղաքական գերատեսչությունների հետ չի եղել»,- ասվում է հայտարարության մեջ։
Նշվում է, որ նման «չարամիտ ապատեղեկատվության հետևում քաղաքական պատվեր կա»։
ՌԴ ԱԳՆ-ն նաև հավելում է, որ ինքնաթիռի կործանման պատճառների հետաքննությունն իրականացվում է համապատասխան գերատեսչությունների կողմից։
Թարգմանությունը՝ Էմմա Չոբանյանի
