17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Թուրքիայի իշխանությունները քրդամետ կուսակցությանը թույլ կտան տեսակցել PKK-ի բանտարկված առաջնորդին
Քաղաքականություն
26.12.2024 | 17:17
Թուրքիան որոշել է թույլ տալ քրդամետ կուսակցությանը բանակցություններ վարել քուրդ զինյալների բանտարկված առաջնորդ Աբդուլլահ Օջալանի հետ։ Այս մասին հայտնում է թուրքական կառավարամետ Sabah-ը՝նշելով, որ կկազմակերպվի առաջին նման այցը մոտ մեկ տասնամյակի ընթացքում, գրում է Reuters-ը։
Սպասվում է, որ DEM կուսակցության պատվիրակությունը հինգշաբթի կամ ուրբաթ կգնա Իմրալը կղզու բանտ, նշում է Sabah-ը՝ չհստակեցնելով իր աղբյուրը։
Այս որոշումն ընդունվել է այն բանից հետո, երբ Թուրքիայի նախագահ Ռեջեփ Թայիփ Էրդողանի հիմնական դաշնակից Դևլեթ Բահչելին առաջարկել էր այս քայլը՝ որպես պետության և Օջալանի Քուրդիստանի աշխատավորական կուսակցության միջև 40-ամյա հակամարտությունը դադարեցնելու փորձի մաս:
Ավելի վաղ քրդամետ «Ժողովուրդների հավասարություն և ժողովրդավարություն» կուսակցության (DEM) օրենսդիրները, դիմել էին Թուրքիայի Արդարադատության նախարարություն՝ թույլտվություն ստանալու հանդիպել Քուրդիստանի աշխատավորական կուսակցության (PKK) բանտարկված առաջնորդ Աբդուլլահ Օջալանին։
Թարգմանությունը՝ Էմմա Չոբանյանի
